تۈركىيە چەت ئەلدىن كەلگەن يولۇچىلاردىن يۇقۇم تەكشۈرۈش نەتىجىسىنى تەلەپ قىلىشنى باشلىدى

تۈركىيە ئاۋازى رادىيوسى خەۋىرى: بۈگۈندىن باشلاپ 2021 – يىلى مارت ئېيىغىچە داۋاملىشىدىغان بۇ بەلگىلىمىگە ئاساسەن، تەكشۈرۈش قەغىزى يوقلار قايتىپ كېتىش ھوقۇقىدىن پايدىلىنالايدۇ ياكى ئۆزى مەلۇم قىلغان تۈركىيەدىكى تۇرۇش ئورنى (ئۆي، مېھمانخانا)دا كارانتىن قىلىنىدۇ.

تۇرىدىغان جايى يوقلۇقىنى مەلۇم قىلغان يولۇچىلار بولسا، سەھىيە ئىدارىسى كۆرسەتكەن جايلاردا كارانتىن قىلىنىدۇ.

كارانتىننىڭ 7- كۈنى ، PCR سىنىقى نەتىجىسى مەنپىي چىققانلارنىڭ كارانتىن قىلىش مۇددىتى تاماملانغان ھېسابلىنىدۇ. تەكشۈرۈش نەتىجىسى مۇسبەت چىققانلار بولسا، سەھىيە مىنىستىرلىقىنىڭ كوۋىد – 19 بىمارلىرىنى داۋالاش كۆرسەتمىلىرى بويىچە داۋالىنىدۇ.