chawushoghlu: émbargolar igilik hoquqimizgha qilinghan hujumdur

dölitimiz tashqi ishlar ministiri mewlüt chawushoghlu amérika qoshma ishtatlirining türkiyege qaratqan émbargolirining enqerening igilik hoquqigha qilinghan hujum ikenlikini éytti.

1554035
chawushoghlu: émbargolar igilik hoquqimizgha qilinghan hujumdur

türkiye awazi radiyosi xewiri: türkiye – rusiye ortaq istiratégiyelik pilan tüzüsh guruppisining 8 – nöwetlik yighinigha qatnishish üchün rusiyege ketken dölitimiz tashqi ishlar ministiri mewlüt chawushoghlu, rusiye diplomatiye ministiri sérgéy lawrow bilen birlikte sochi shehiride qoshma axbarat élan qilish yighini ötküzdi, hemde bu yerde qilghan sözide, türkiye rusiyedin «400 - s» bashqurulidighan bomba mudapie sistémisi sétiwalghanliqi seweblik, amérika qoshma ishtatlirining reqibliri bilen émbargolar arqiliq küresh qilish qanuni dairiside türkiyege émbargo yürgüzüshni qararlashturghanliqini, emma bu émbargolarning türkiyeni ulughwar nishanliridin waz kechtürelmeydighanliqini tekitlep mundaq dédi: «bu émbargolar bizning igilik heq – hoquqliriqimizgha qilinghan hujumdur. derweqe, bu émbargolar tüpeyli arqigha qedem tashlimaydighanliqimiz hemmige ayan.»

nutiqida, türkiyening liwiyege bériwatqan yardimi toghriliqmu toxtalghan chawushoghlu, mundaq dep körsetti: «bashqa bir döletning, yaki (liwiyening sherqidiki qanunsiz qoralliq küchlerning rehbiri) hefternimu öz ichige alghan herqandaq bir shexsning, (türkiye liwiyedin ayrilsun) déyish hoquqi yoqtur.»

«wuxen wirusi» gha qarshi küreshmu chawushoghlu bilen laworwning muhim küntertip maddiliridin biri idi.

chawushoghlu, «wuxen wirusi» gha qarshi küreshte, rusiye bilen imzalanghan kélishimge asasen, türkiyede oataq waksina tetqiq qilip yasap chiqilidighanliqini eskertti.

türkiye – rusiye soda munasiwetliri toghriliqmu toxtalghan chawushoghlu, rusiyening (mewjut norma toshqandin kéyin) türkiyedin pemidur ékisport qilish normisini ashuridighanliqini éytti.

rusiye diplomatiye ministiri sérgéy lawrow, rusiyede yasalghan mudapie sistémilirini sétiwalghanliqi seweblik, amérika qoshma ishtatlirining türkiyege qarshi émbargo yürgüzüsh qarari chiqarghanliqini, qanunsiz émbargolargha qarshi enqere bilen herbiy – téxnikiliq hemkarliqni dawamlashturidighanliqlirini éytti.



مۇناسىۋەتلىك خەۋەرلەر