erdoghan: türkiye barliq ézilgüchilerge we naheqchilikke uchrighuchilargha ümit bolmaqta

jumhur reis rejep tayyip erdoghan türkiyening barliq ézilgüchilerge we naheqchilikke uchrighuchilargha ümit bolghanliqini éytti.

1550544
erdoghan: türkiye barliq ézilgüchilerge we naheqchilikke uchrighuchilargha ümit bolmaqta

türkiye awazi radiyosi xewiri: jumhur reis shundaqla adalet we tereqqiyat partiyesining reisi rejep tayyip erdoghan türkiye büyük milliy mejlisi (parlaménti) diki guruppa yighinida partiye ezalirigha xitab qildi.

jumhur reis  erdoghan: «bügün<türkiye> déyilgen herqandaq chaghda, eqilge eng deslep kélidighini insanperwerlikltur, adalet we obrazliq tashqi siyasettur. türkiye barliq ézilgüchilerge we naheqchilikke uchrighuchilargha ümid bolmaqta. dunyada meghrurlanmastin, tik turushning misali bolmaqta. türkiyening yiltizi yüksilishige egiship, duch kéliwatqan hujumlirimu ashmaqta. shahmat taxtisigha oxshaydighan xelqara sehnide oyun qurghuchi salahiyitige ige türkiyening réalliqi toqunush we malimanchiliqtin ozuq éliwatqanlarni biaram qilmaqta» dédi.

erdoghan ezerbeyjanning taghliq qarabaghdiki ghelibisi üstidimu toxtilip, «taghliq qarabaghda 30 yildin buyan köz yumulghan ishghaliyet tüzimining axirlishishigha töhpe qoshtuq» dédi.

erdoghan yene, türkiyening bu yilqi yawropa we amérika munasiwetliri heqqide mundaq dédi:  

«yawropa we amérika bilen bolghan munasiwetlirimizni tereqqiy qildurush bilen bir waqitta, türk dunyasi, asiya, latin amérika we afriqinimu nezerdin saqit qilmaymiz. bu barliq tirishchanliqimizgha qarimastin, 2020 - yili bizge nisbeten yawropa we amérika bilen bolghan munasiwetlirimiz süniy küntertipler bilen sinaqqa duch kelgen bir yil boldi»

jumhur reis  erdoghan türkiyenng hem sherqiy aqdéngiz mesiliside, hem (rusiyedin sétiwélinghan) S-400 mesiliside heqliq bolmighan qosh ölchemlik muamilige duch kelgenlikini bildürüp, «yéngi yilda amérika we yawropa bilen bolghan munasiwetlirimizde yéngi bir bet échishni arzu qilimiz» dédi.



مۇناسىۋەتلىك خەۋەرلەر