чәлик: п к к корд дүшмәнликини намайан қилмақта

адаләт вә тәрәққийат партийиси байанатчиси өмәр чәлик, бөлгүнчи терорлуқ тәшкилати п к к ниң ирақниң шималидики йеқинқи һуҗумлириниң корд дүшмәнликиниң ипадиси икәнликини оттуриға қойди.

1550229
чәлик: п к к корд дүшмәнликини намайан қилмақта

түркийә авази радийоси хәвири: өмәр чәлик партийәсиниң мәркизий иҗраийә һәйити йиғининиң күнтәртипи тоғрисида байанат елан қилди.

п к к ниң корд дүшмәнликиниң намайандиси сүпитидә йеқинқи мәзгилләрдә шималий ирақтики корд күчлиригә һуҗум қилғанлиқини билдүргән чәлик: «п к к ниң сүрийә қанити) й п г / п й д сүрийәниң шимали, шундақла шундақла ирақниң шималидики йәрлик аһалиләргә мәйли түркмән, әрәб йаки корд болушидин қәтийнәзәр дүшмәнлик қилишни давамлаштурмақта. п к к у йәрдә қурмақчи болған диктатор түзүмгә бойсунмиған барлиқ кишиләр мәзкур дүшмәнликтин несивисини алмақта. бу қетим шималий ирақтики кордлар топлишип олтурақлашқан райондики хәвпсизлик күчлиригә һуҗум қилиш арқилиқ, әмәлийәттә райондики наһайити еғир көп тәрәплимилик муқимсизлиқ амили икәнликини йәнә бир қетим намайан қилған болди» деди.

түркийәниң п к к террорлуқ тәшкилатиға қарши күришиниң һәм инсанлиққа қарши җинайәт садир қиливатқан бир өчмәнлик тәшкилатиға қарши өзиниң дөләт хәвпсизликини капаләткә игә қилиш нуқтисидин һәмдә инсанийәткә қарши садир қилиниватқан бу җинайәтләрниң алдини  елиш үчүн пәвқуладдә йуқири қанунийлиққа игә бир күрәш икәнликини тәкитлигән чәлик, сөзини давамлаштуруп: «п к к ға вә башқа террорлуқ тәшкилатлириға қарши күрәш  24/7 асасида үзлүксиз шундақла бошишип вә астилап қалмастин қәтийлик билән давамлишиду» дегәнләрни қәйт қилди.



مۇناسىۋەتلىك خەۋەرلەر