әрдоған қазимини қобул қилиду

җумһур рәис рәҗәп таййип әрдоған бүгүн түркийәдә зийарәттә болидиған ирақ баш министири мустафа әлқазимини пайтәхт әнқәрәдә рәсмий мурасим арқилиқ қарши алиду.

1546965
әрдоған қазимини қобул қилиду

түркийә авази радийоси хәвири: қазиминиң зийарити даирисидә, җумһур рәислик сарийида айрим вә һәйәтләр ара учришишлар елип берилиду.

икки дөләт оттурисида барлиқ саһәләрдә мунасивәтләрни йәниму йүксәк сәвийәгә йәткүзүштә муһим рол ойниши ктүлүватқан зийарәттә, бөлгүнчи террорлуқ тәшкилати п к к ниң ирақтики мәвҗудийити тоғрулуқ музакирә елип берилиши, қазиминиң террорлуқ тәшкилати п к к ниң ирақтики қанунсиз паалийәтлиригә хатимә берилиши нишан қилинған «синҗар келишими» ниң иҗра қилиниши тоғрилиқму әнқәрәгә йеқинқи өзгиришләр һәққидә мәлумат бериши мөлчәрләнмәктә.

зийарәттә, икки дөләт оттурисидики сода һәҗминиң ашурулуши вә түрк ширкәтлириниң террорлуқ тәшкилати даеш вәйран қилған районларни қайта қуруп чиқиш даирисидә ирақтики селинма лайиһәлири мәсилисиниңму музакирә қилишини күтүлмәктә.

игилинишичә, бу ирақ баш министири мустафа әлқазиминиң вәзипигә олтурғандин кейин әнқәрәгә қилған тунҗи зийарити һесаблинидикән.



مۇناسىۋەتلىك خەۋەرلەر