ibrahim eren asiya tinch okyan axbarat birleshmisining reisi boldi

radiyo-téléwiziye idarisi-t r t mudiriyitining bashliqi we bash mudiri ibrahim eren awaz birliki bilen asiya tinch okyan axbarat birleshmisining reislikige saylandi.

1546688
ibrahim eren asiya tinch okyan axbarat birleshmisining reisi boldi

türkiye awazi radiyosi xewiri: bu yil (2020) wiyétnam paytexti xanoyda ötküzülüshi pilan qilinghan 57-nöwetlik asiya tinch okyan axbarat birleshmisining omumiy kéngesh yighini, wuxen wirusi (Kovid-19) sewebidin intérnét tor yighini sheklide ötküzüldi.

t r t mudiriyitining bashliqi we bash mudiri ibrahim eren saylamda, 72 döletning 271 ezasining awaz birliki bilen asiya tinch okyan axbarat birleshmisining reislikige türkiyedin saylanghan tunji kishi boldi. u 2023-yili 31-dékabirghiche wezipe öteydu.  

 ibrahim erenning asiya tinch okyan axbarat birleshmisining reislikige saylinishida, u bash mudir bolghan mezgilde, t r t ning barghanséri ashqan muweppeqiyet girafiki, chet ellerde tesir peyda qilghan paaliyetliri bilen oxshimighan tillardiki axbarat tarqitishliri muhim tesir körsetti.

ibrahim eren asiya tinch okyan axbarat birleshmisining reislikige saylanghandin kéyin bayanat élan qilip, dunyadiki eng chong axbarat birleshmisige küchlük qollash astida saylanghanliqidin pexirlinidighanliqini bildürdi.

u: «bu muweppeqiyet, dölitimizning küchi we t r t bolush süpitimizde xelqaradiki tesirimizdin qolgha keldi. asiya tinch okyan axbarat birleshmisining barliq ezalirigha we xizmetdashlirimgha köp rehmet éytimen. mubarek bolsun» dédi.  



مۇناسىۋەتلىك خەۋەرلەر