ибраһим әрән асийа тинч окйан ахбарат бирләшмисиниң рәиси болди

радийо-телевизийә идариси-т р т мудирийитиниң башлиқи вә баш мудири ибраһим әрән аваз бирлики билән асийа тинч окйан ахбарат бирләшмисиниң рәисликигә сайланди.

1546688
ибраһим әрән асийа тинч окйан ахбарат бирләшмисиниң рәиси болди

түркийә авази радийоси хәвири: бу йил (2020) вийетнам пайтәхти ханойда өткүзүлүши пилан қилинған 57-нөвәтлик асийа тинч окйан ахбарат бирләшмисиниң омумий кеңәш йиғини, вухән вируси (Kovid-19) сәвәбидин интернет тор йиғини шәклидә өткүзүлди.

т р т мудирийитиниң башлиқи вә баш мудири ибраһим әрән сайламда, 72 дөләтниң 271 әзасиниң аваз бирлики билән асийа тинч окйан ахбарат бирләшмисиниң рәисликигә түркийәдин сайланған тунҗи киши болди. у 2023-йили 31-декабирғичә вәзипә өтәйду.  

 ибраһим әрәнниң асийа тинч окйан ахбарат бирләшмисиниң рәисликигә сайлинишида, у баш мудир болған мәзгилдә, т р т ниң барғансери ашқан мувәппәқийәт гирафики, чәт әлләрдә тәсир пәйда қилған паалийәтлири билән охшимиған тиллардики ахбарат тарқитишлири муһим тәсир көрсәтти.

ибраһим әрән асийа тинч окйан ахбарат бирләшмисиниң рәисликигә сайланғандин кейин байанат елан қилип, дунйадики әң чоң ахбарат бирләшмисигә күчлүк қоллаш астида сайланғанлиқидин пәхирлинидиғанлиқини билдүрди.

у: «бу мувәппәқийәт, дөлитимизниң күчи вә т р т болуш сүпитимиздә хәлқарадики тәсиримиздин қолға кәлди. асийа тинч окйан ахбарат бирләшмисиниң барлиқ әзалириға вә хизмәтдашлиримға көп рәһмәт ейтимән. мубарәк болсун» деди.  



مۇناسىۋەتلىك خەۋەرلەر