türkiye - ukraina otturisida bir qatar kélishimler imzalandi

türkiye awazi radiyosi xewiri: ukraina dölet mudapie ministirliqi teripidin élan qilinghan bayanatta eskertilishiche, kélishimler türkiye dölet mudapiesi sanaiti orginining bashliqi ismail demir bashchiliqidiki türkiye heyitining ukraina ziyariti dairiside imzalanghan.

bayanatta sözlirige orun bérilgen ukraina dölet mudapie ministiri andri taran, bu layiheler arqiliq, qaradéngiz we azaq déngizining bixeterlikini qoghdash tedbirlirini kücheytish dairiside ukraina déngiz armiyesini qudret tapquzushning nishan qilinidighanliqini éytqan.

bularning ukraina we türkiye hökümetliri yéqinda  imzalighan kélishim dairisidiki tunji ijabiy qedem ikenlikini eskertken taran, ukraina pirézidénti wladimir zéléniskining, türkiyening téxnologiyeliri we sélinmiliri sayisida ukraina dölet mudapiesi sanaiti sahesining téximu janlinidighanliqini ümid qilidighanliqini tekitligen.

ismail demir bolsa, türkiye we ukrainaning dölet mudapiesi sanaiti saheside köp jehettin hemkarliq nuqtilirining barliqini, kélishimlerning her ikki terepke paydiliq méwilerni béridighanliqini qeyt qilghan.

bayanatta tekitlinishiche, bu, ukraina dölet mudapie ministirliqining, dölet mudapiesi sanaiti saheside bashqa bir dölet bilen tunji qétim biwasite iqtisadiy kélishimlerni imzalishi hésablinidiken.