iranning enqerede turushluq bash elchisi tashqi ishlar ministirliqigha chaqirtildi
iranning enqerede turushluq bash elchisi ferazmend tünügün kechte tashqi ishlar ministirliqigha chaqirildi.
türkiye awazi radiyosi xewiri: türkiye jumhuriyiti tashqi ishlar ministirliqigha chaqirilghan iranning enqerede turushluq bash elchisi ferazmendge, iran tashqi ishlar ministiri muhemmed jewad zerifning tiwittér uchuri, arqidin türkiyening téhranda turushluq bash elchisi derya örsning iran tashqi ishlar ministirliqigha chaqirtilishi, türkiye we jumhur reis rejep tayyip erdoghan toghrisida asassiz sözlerning qilinish arqiliq iranda türkiyege qarshi öchmenlik dolqunining bashlitilghanliqi qatarliqlargha bolghan naraziliqlar yetküzüldi.
menbelerde, ferazmendge otturigha qoyulghan ighwalarning pütünley ret qilinidighanliqi, iran terepning türkiye toghrisida herqandaq bir ishta biaramliq hés qilghanda uni yetküzidighan qanallarning mewjut bolushigha qarimay, iran tashqi ishlar ministiri muhemmed jewad zerif biwasite halda türkiyege hujum qilishining qobul qilinmaydighanliqining bildürülgenliki eskertildi.
buningdin bashqa, bu xil usulning türkiye bilen iranning qoyuq munasiwitigimu mas kelmeydighanliqi, uning peqet bu munasiwetni buzmaqchi bolghan tereplerge paydiliq ikenliki tekitlendi.
iran tashqi ishlar ministirliqi, jumhur reis rejep tayyip erdoghanning aldinqi küni ezerbeyjanning paytexti bakuda oqughan shéiri sewebidin, türkiyening téhranda turushluq bash elchisi derya örsni chaqirtip, bu qilmishni qattiq eyibleydighanliqini yetküzgenidi.
iran tashqi ishlar ministiri muhemmed jewad zerif tiwittérda uchur hembehrilep, jumhur reis erdoghan oqughan shéirning iranning zémin pütünlükige ziyanliq ikenlikini ilgiri sürgenidi.
