erdoghan ezerbeyjanning zeper dastanlirini yézishni dawamlashturidighanliqini éytti

jumhur reis rejep tayyip erdoghan ezerbeyjanning zeper dastanlirini yézishni dawamlashturidighanliqini éytti.

1543149
erdoghan ezerbeyjanning zeper dastanlirini yézishni dawamlashturidighanliqini éytti
Bakü-Zafer-2.jpg
erdogan-aliyev.jpg
Bakü Türk Bayrağı Yansıtıldı.jpg
Savunma Bakanlığı-Bakü.jpg
aliyev.jpg

türkiye awazi radiyosi xewiri: ermenéye ishghaliyiti astidiki ezerbeyjan zéminining azad qilinishi munasiwiti bilen ezerbeyjan pirézidénti ilham eliyéw, jumhur reis rejep tayyip erdoghan we türkiye eskerliriningmu ishtirak qilishi arqiliq paytext bakudiki azadliq meydanida parattin ötüsh zeper murasimi bashlandi.

murasimgha qatnishish üchün tünügün ezebeyjangha yétip barghan erdoghan murasimdiki nutiqida, «ezerbeyjan qérindishim ilham eliyéwning küchlük rehberlikide, inshallah zeper dastanlirini yézishini dawamlashturidu. ezerbeyjanning zéminini ishghaliyettin azad qilghanliqi hergizmu küreshning axirlashqanliqidin dérek bermeydu. türkiye bolush süpitimiz bilen ezerbeyjan bilen bolghan munasiwetlirimizde her daim ulugh rehber heyder eliyéwning <ikki dölet, bir millet> yétekchi iddiyesini özimizge yol bashchi qilduq» dédi.

erdoghan yene mundaq dédi:

«urush qanuni éghir dexli-teruzgha uchridi, insanlarning izzet-hörmiti depsende qilindi. hemmila yerde buning hésabini sorash bizning mejburiyitimizdur. erméniye hökümranliri xelqning bayliqini ezerbeyjan zéminini ishghaliyet astida tutup turalishi üchün ishletti. taghliq qarabaghqa weyranchiliq, qetliam we köz yéshidin bashqa héch nerse élip kelmigenler emdi hushini tépiwilishi lazim. gherb jahangirlirining yel bérishi bilen héch yerge baralmaydighanliqlirini körüp yétishi we  munasiwetlerni qaytidin oylishishi lazim. eger erméniye xelqi qarabaghda yüz bergen weqelerdin sawaq alsa, bu rayondiki yéngi bir dewrning bashlinishi bolidu»

jumhur reis erdoghan  türkiye we ezerbeyjan murini murige térepla türidiken, herqandaq qéyinchiliqlarni yéngishni we zeperdin zeperge qarap yürüshni dawamlashturidighanliqini tekitlidi.

ezerbeyjan pirézidénti ilham eliyéwmu parattin ötüsh zeper murasimida sözligen nutuqida, «weten urishining deslepki minutliridin tartipla türkiyening yardimini hés qilduq» dédi.

ilham eliyéw mundaq dédi:

«biz türkiye bilen bolghan ittipaqliqimizni xelqlirimiz bilen pütün dunyagha  körsetmektimiz. erméniye ezerbeyjan xelqige qarita urush jinayiti ötküzdi. zémin pütünlükimizni jeng meydanida qolgha keltürduq. erméniye armiyesi tiz chökti we jeng meydanida ghelibe qilip zémin pütünlükimizni ishqa ashurduq»

ezerbeyjan pirézidénti eliyéw yene, «qarabagh ezerbeyjandur we bügün dunya qarabaghning ezerbeyjangha ait ikenlikini kördi. türkiye-ezerbeyjan dostluqi yashisun!» dégen sözlerni ishletti.



مۇناسىۋەتلىك خەۋەرلەر