erdoghan, bizning erméniye xelqige öchmenlikimiz yoq, mesile erméniye rehberlik apparatida dédi

jumhur reis rejep tayyip erdoghan türkiyening erméniye xelqige öchmenliki yoqluqini eskertip, «mesile erméniye rehberlik apparatida. méning dölitimide 100 mingdin artuq ermen puqrayim bar» dédi.

1543343
erdoghan, bizning erméniye xelqige öchmenlikimiz yoq, mesile erméniye rehberlik apparatida dédi

türkiye awazi radiyosi xewiri: ezerbeyjanning paytexti bakuda ötküzülgen ghelibini tebriklep parattin ötüsh qatnishish üchün bakugha barghan jumhur reis erdoghan, pirézidént pirézidént ilham eliyéw bilen ayrim uchrishish ötküzdi.

uchrishish we kélishim imzalash murasimliri axirlashqandin kéyin ikki rehber qoshma axbarat élan qilish yighini achti.

erdoghan muxbirlarni kütüwélish yighinida söz qilip, 44 künlük urushtin kéyin otturigha chiqqan netije ezerbeyjandiki qérindashlirimizni qandaq söyündürgen bolsa, türkiyediki qérindashlirinimu shundaq söyündürgenlikini bildürdi.

rayon tinchliqini kapaletke ige qilish üchün zörür tépilsa  alte terep söhbet supisi qurushqa bolidighanliqini bildürgen erdoghan, «rusiye, türkiye, ezerbeyjan, iran, giruziye qatarliqlar döletler, shundaqla qobul qilip tüzümige riaye qilsa erméniyemu bu supidin orun alsa bolidu. ijabiy qedemler tashlanghan teqdirde, ishiklirimizni achimiz. bizning erméniye üchün ishiklirimizni taqiwéteyli deydighan bir derdimiz yoq. chünki biz tinchliq üchün qedem tashlashni xalaymiz» dégenlerni qeyt qildi.

türkiyening erméniye xelqige bir öchmenliki yoqluqigha isharet qilghan erdoghan sözini dawamlashturup, «bizning mesilimiz (erméniye) rehberliki bilendur. méning 100 mingdin artuq ermen puqrayim bar, bizning insanlargha öchmenlikimiz yoq. bizning meqsitimiz tinchliqni hökümran qilish we qedemnimu mushuninggha qarap tashlashtur» dédi.

ezerbeyjan pirézidénti ilham eliyéw, türkiyening ezerbeyjanning yénida turushining, ulargha küch béghishlighanliqini eskertip, «türkiye bilen ezerbeyjangha oxshash bir  birige sadiq, bir – birining yénida turidighan döletler yoq. türkiyening küchi bizning küchimizni ashuridu. türkiye dunya miqyiasida küch merkizidur. bügünki jumhur reis erdoghanning türkiyesi dunyada musteqilliq, mertlik we jasaret ülgisidur» dédi.

eliyéw wetenni azad qilish jéngidiki ghelibeni qolgha keltürüshte türkiye mudapie sanaitining mehsulati bolghan dangliq bayraqtar (uchquchisiz ayropilan)ning alahide rol oynighanliqini tekitlidi.

u yene, «eger erméniye hökümiti asassiz dewaliridin waz kechse, ularmu rayonda qurulidighan her xil hemkarliq supilirigha qatnashsa bolidu» dégenlerni sözlirige ilawe qildi.



مۇناسىۋەتلىك خەۋەرلەر