өмәр чәлик: «йавропа иттипақи нуқтисидин әң алдинқи 5 мәсилә түркийәсиз һәл болмайду»
адаләт вә тәрәққийат партийәси байанатчиси өмәр чәлик, «йавропа иттипақи чоқум түркийә билән дипломатик механизмлирини ишқа селиши лазим, қилмаслиқи зөрүр болғини, ембарго тилини ишлитиштур» деди.
1542186
түркийә авази радийоси хәвири: өмәр чәлик партийәсиниң мәркизи иҗраийә комитети йиғинидин кейин байанат елан қилди.
йавропа иттипақиниң йеқиндин буйанқи түркийә һәққидики байанатлири үстидә тохталған өмәр чәлик, «йавропа иттипақи нуқтисидин әң алдинқи мәсилә сүпитидә, мәйли қайси мәсилини тутсаңлар тутуңлар, түркийәсиз йавропа иттипақиниң уни һәл қилалиши мумкин әмәс. йавропа иттипақи әқиланә муамилә қилиши керәк. әқиланә һәрикәт қилғандиму түркийә билән дипломатик механизмлирини ишқа селиши лазим. қилмаслиқи зөрүр болғини, ембарго тилини ишлитиштур» деди.
өмәр чәлик гретсийәгә қарита «биз бу районда биллә йашаймиз. узақтикиләрдин йардәм күтүп, түркийәгә бәзи ишларни теңишқа уринишиңлар һечбир шәкилдә нәтиҗигә ериштурмәйду» деди.
