erdoghan: yawropa ittipaqining herqandaq émbargo qarari türkiyege tesir körsitelmeydu

jumhur reis rejep tayyip erdoghan yawropa ittipaqining herqandaq émbargo qararining türkiyege héchqanche tesir qilalmaydighanliqini éytti.

1542521
erdoghan: yawropa ittipaqining herqandaq émbargo qarari türkiyege tesir körsitelmeydu

türkiye awazi radiyosi xewiri: erdoghan ezerbeyjan ziyaritidin ilgiri élan qilghan bayanatida, ete ötküzülidighan yawropa ittipaqi rehberliri yighini üstide toxtilip, «türkiyege qarita élinidighan émbargo qarariliri türkiyege héchqanche tesir körsitelmeydu» dédi

erdoghan démisimu  yawropa ittipaqining 1963- yildin buyan resmiy halda türkiyege dawamliq émbargo yürgüzüp kéliwatqanliqini éytti.

yawropa ittipaqining ezeldin semimiy pozitsiyede bolmighanliqini we wediside turmighanliqini tekitligen erdoghan, «emma biz dawamliq serwr qilduq, hazirmu sewr qiliwatimiz. emdilikte tashlaydighan qedemlirining qandaq bolidighanliqini körimiz. semimiy rehberler bu jeryanda maydanida tik turmaqta. türkiye qaritilghan bu pozitsiyelergimu selibiy qarashta bolmaqta» dédi.

erdoghan girétsiye bash ministiri kriyakos michotakisning sherqiy aq déngiz heqqidiki bayanatlirigha qarita, «emeliyette bular héchqachan üstelde turup baqmidi, dawamliq üsteldin qéchish we yalghanchiliq siyasitini dawamlashturdi. biz yolimizni dawamlashturmaqtimiz. sherqiy aq déngizgha qarita u yerdiki heq - hoquqlimizni dawamliq qoghdaymiz. shimaliy qibris türk jumhuriyitining heq - hoquqlirinimu axirighiche qoghdashni dawamlashturimiz. eger girétsiye qoshna bolush süpiti bilen semimiy ish tutsa, bizlermu dawamliq üstelde bolimiz» dédi.



مۇناسىۋەتلىك خەۋەرلەر