түркийә армийәси ирақниң шималидики гара районида 4 террорчини уҗуқтурди

түркийә авази радийоси хәвири: дөләт мудапиә министирлиқиниң иҗтимаий таратқу һесабида елан қилинған байанатида, п к к ға қарши һәрикәтләрниң үнүмлүк вә кәскин һалда давамлишиватқанлиқи тәкитләнди.

байанатта, «ирақниң шималидики гара районида разведка вә көзитиш вастилири арқилиқ байқалған төт нәпәр п к к әзаси һава һәрикити арқилиқ уҗуқтурулди» дейилди.

бу арилиқта ички ишлар министирлиқиму қайил қилиш хизмәтлири нәтиҗисидә, терорлуқ тәшкилати п к к дин қечип түркийәгә кәлгән 5 нәпәр тәшкилат әзасиниң тәслим болғанлиқини билдүрди.

тәслим болған терорчиларниң 1995 - йилдин 2015 - йилғичә болған арилиқта терорлуқ тәшкилатиға қатнашқанлиқи,  түркийә, сүрийә вә ирақта паалийәт қилғанлиқи, тәслим болғанлардин бириниң террорлуқ тәшкилатида 25 йил турғанлиқи ениқланди.

елип берилған қайил қилиш хизмәтлири нәтиҗисидә, 1 - йанвардин бүгүнгә қәдәр тәслим болған тәшкилат әзалириниң сани 223 кә йәтти.