erdoghan: motor ishlepchiqirishta dunya markisi bolush nishanigha qedemmuqedem yéqinlishiwatimiz

jumhur reis rejep tayyip erdoghan türkiyeni her xil motorlarni layihelesh we ishlepchiqirish sahesining merkiziy dölitige aylandurush nishanlirigha qedemmuqedem yéqinlishiwatqanliqlirini éytti.

1540090
erdoghan: motor ishlepchiqirishta dunya markisi bolush nishanigha qedemmuqedem yéqinlishiwatimiz

türkiye awazi radiyosi xewiri: jumhur reis erdoghan istanbuldiki wahdettin sariyidin eskishehirdiki «tunji yerlik tik uchar ayropilan motori – TEI-TS1400 ni ötküzüp bérish we layihelesh merkizi»ning échilish murasimigha sin körünüshlük qatnashti.

erdoghan murasimdiki sözide dunya miqyasidiki motor téxnikisidiki nopuzluq döletlerning barmaq bilen sanighili bolghudekla az ikenlikini tilgha élip, <tusash motor sanaiti hessidarliq shirkiti>ningmu motor ishlepchiqiridighan, layihelep dunyagha éksport qilidighan bir marka bolush yolida ilgirilewatqanliqini qeyt qildi.

u, «bu türler bilen mudapie sanaitide yéngi bir dewrge qedem qoyimiz. motor tereqqiy qildurush türi sahesige sélinidighan meblegh we bayqilidighan iqtidarlar arqiliq <tusash motor sanaiti hessidarliq shirkiti> öz saheside dölitimizde ülge bolidu» dédi.

yéngi ewlad yénik tipliq qorallar, altay tankisi, uchquchisiz hawa apparatliri we bashqurulidighan bombilarning motorlirinimu yasap chiqqanliqlirini bildürgen erdoghan, yéqinda bu motorlarning hemmisining qorallar sépige seplinidighanliqini eskertti.

erdoghan yene, «bir tereptin <tusash motor sanaiti hessidarliq shirkiti>ning, yene bir tereptin xususiylar igilikidiki shirketlerning tirishchanliqi sayisida awiyatsiye sahesini öz ichige alghan barliq motor ishlepchiqirish saheliride türkiyeni dunya markisigha aylandurushqa qedemmuqedem yéqinlishiwatimiz» dégenlerni sözlirige ilawe qildi.


خەتكۈچ: #motor , #erdoghan , #türkiye

مۇناسىۋەتلىك خەۋەرلەر