türkiye pars qoltuqi kirizisini hel qilish tirishchanliqliri toghrisida bayanat élan qildi

türkiye awazi radiyosi xewiri: türkiye jumhuriyiti tashqi ishlar ministirliqi pars qoltuqidiki ixtilapni hel qilish urunushliri toghrisida bayanat élan qilip, «pars qoltuqi rayonida 2017  - yili iyundin buyan dawamliship kelgen ixtilapni hel qilish yolida yéqinqi künlerdiki ijabiy özgirishlerdin xushalliq hés qilmaqtimiz. ixtilapni hel qilish üchün hazirghiche semimiy tirishchanliq körsitip kelgen kuweyt rehberlikige minnetdarliq bildürimiz. biz mezkur ixtilapning kéchiktürülmestin, shundaqla aldinqi shertsiz diyalog arqiliq hel qilinishini we qatargha yürgüzülgen naheq muhasire we jazalarning téximu uzungha sozulmastin axirlashturulushini ümid qilimiz» dégenlerni qeyt qildi.

bayanatta, türkiyening hazirghiche bolup kelginidek buningdin kéyinmu pars qoltuqi rayonining xewpsizlik we muqimliqi üchün küch chiqirishni dawamlashturidighanliqigha isharet qilindi.

seudi erebistan, ereb birleshme xelipiliki, behreyn we misirning, 2017-yili 6-ayning 5-küni qatarning «térrorluq guruppilirini qollighan»liqini ilgiri sürüp barliq diplomatik munasiwetni üzüshi we uni iqtisadiy jehettin qamal qilishqa bashlishi bilen pars qoltuqi rayonida kirizis peyda qilghanidi.

kuweyt déngiz qoltuqi kirizisidiki terepler otturisida muresse qilish üchün tirishchanliq körsetken bolsimu, emma munasiwetning normallishishi jehette téxi héchqandaq netijige érishelmidi.

kuweyt, pars qoltuqi kirizisining her qaysi tereplirini muresseleshtürüshke küch chiqarghan bolsimu hazirghiche munasiwetlerni normallashturush jehette ilgirilesh hasil qilalmidi.