زەيتۇن شېخى رايونىدا تېررورلۇق تەشكىلاتىغا زەربە بېرىلدى

تۈركىيە ئاۋازى رادىيوسى خەۋىرى: تۈركىيە ئارمىيە قىسىملىرى بۆلگۈنچى تېررورلۇق تەشكىلاتى پ ك ك|ي پ گ نىڭ شىمالىي سۈرىيەدە تېررورلۇقتىن تازىلانغان رايونلارغا مەخپىي كىرىش ئۇرۇنۇشلىرىغا ئېغىر زەربە بەردى.

تۈنۈگۈن (2020-يىلى 3-دېكابىر) زەيتۇن شېخى رايونىغا مەخپىي كىرىشكە ئۇرۇنغان تېررورىستلار بىلەن چىققان ئېتىشىشتا، بىر ئەسكەر شېھىت بولغان ئىدى. ئىككى كۈندىن بېرى ئۇچقۇچىسىز ھاۋا ئاپپاراتلىرىمۇ قاتناشتۇرۇلغان ھەربىي ھەرىكەتتە 17 تېررورىست بىر تەرەپ قىلىندى.

تۈركىيە دۆلەت مۇداپىئە مىنىستىرلىقىنىڭ بۇ ھەقتىكى باياناتىدا: «مەھمەتچىك سەپداشلىرىنىڭ قېنىنى يەردە قويمىدى. ھەربىي ھەرىكەت نەتىجىسىدە 17 تېررورىست بىر تەرەپ قىلىندى» دېيىلدى.