türkiye islam hemkarliq teshkilatining qararliridin memnun ikenlikini bildürdi

türkiye islam hemkarliq teshkilati 47-nöwetlik tashqi ishlar ministirliri kéngishi yighinida qobul qilinghan qararlardin memnun ikenlikini élan qildi.

1538023
türkiye islam hemkarliq teshkilatining qararliridin memnun ikenlikini bildürdi

türkiye awazi radiyosi xewiri: türkiye tashqi ishlar ministirliqi nigér paytexti niyaméyda ötküzülgen yighinda qobul qilinghan qararlar toghrisida bayanat élan qildi.

bayanatta: «tashqi ishlar ministiri mewlüt chawushoghluning 2020-yili 27-28-noyabir künliri niyaméyda ötküzülgen islam hemkarliqi teshkilatining 47-nöwetlik tashqi ishlar ministirliri kéngishi yighinigha qatnashti. yighinda qobul qilinghan qararlar, islam dunyasigha munasiwetlik ortaq mesililerge nisbeten teshkilatqa eza döletler arisida teshkilatning testiqi nuqtisidin zor ehmiyetke ige» déyildi.

bayanatta, türkiyening chadning sabiq tashqi ishlar ministiri hisseyin brahim tahaning afriqa guruppisining ortaq namzati bolush süpitide islam hemkarliq teshkilati wezipisige teyinlengenlikidin xushal bolghanliqi bildürülüp: «dölitimiz bashtin tartip teshkilatning xelqaraliq süpetni qoghdash we kücheytish nuqtisidin, yéngi islam hemkarliq teshkilati bash katipining teshkilatning sherti we békitilgen usullar boyiche afriqa guruppisidin saylinishigha, shundaqla afriqaning ortaq namzat chiqirshigha ehmiyet bérip kelgen. bu nuqta türkiye jumhur reisi rejep tayyip erdoghan we tashqi ishlar ministiri mewlüt chawushoghlu teripidin her xil sewebler bilen tekitlinip kelgen idi» déyildi.

bayanatta yene, hazirqi bash katip yusuf el useymingha qilghan xizmetliri sewebidin teshekkür éytildi. yéngidin saylanghan bash katip chadning sabiq tashqi ishlar ministiri hisseyin brahim tahaning xizmitide muweppeqiyetlerni qolgha keltürüshi üchün tilekdashliq bildürüldi.



مۇناسىۋەتلىك خەۋەرلەر