түркийә ислам һәмкарлиқ тәшкилатиниң қарарлиридин мәмнун икәнликини билдүрди

түркийә ислам һәмкарлиқ тәшкилати 47-нөвәтлик ташқи ишлар министирлири кеңиши йиғинида қобул қилинған қарарлардин мәмнун икәнликини елан қилди.

1538023
түркийә ислам һәмкарлиқ тәшкилатиниң қарарлиридин мәмнун икәнликини билдүрди

түркийә авази радийоси хәвири: түркийә ташқи ишлар министирлиқи нигер пайтәхти нийамейда өткүзүлгән йиғинда қобул қилинған қарарлар тоғрисида байанат елан қилди.

байанатта: «ташқи ишлар министири мәвлүт чавушоғлуниң 2020-йили 27-28-нойабир күнлири нийамейда өткүзүлгән ислам һәмкарлиқи тәшкилатиниң 47-нөвәтлик ташқи ишлар министирлири кеңиши йиғиниға қатнашти. йиғинда қобул қилинған қарарлар, ислам дунйасиға мунасивәтлик ортақ мәсилиләргә нисбәтән тәшкилатқа әза дөләтләр арисида тәшкилатниң тәстиқи нуқтисидин зор әһмийәткә игә» дейилди.

байанатта, түркийәниң чадниң сабиқ ташқи ишлар министири һиссәйин браһим таһаниң африқа гурупписиниң ортақ намзати болуш сүпитидә ислам һәмкарлиқ тәшкилати вәзиписигә тәйинләнгәнликидин хушал болғанлиқи билдүрүлүп: «дөлитимиз баштин тартип тәшкилатниң хәлқаралиқ сүпәтни қоғдаш вә күчәйтиш нуқтисидин, йеңи ислам һәмкарлиқ тәшкилати баш катипиниң тәшкилатниң шәрти вә бекитилгән усуллар бойичә африқа гурупписидин сайлинишиға, шундақла африқаниң ортақ намзат чиқиршиға әһмийәт берип кәлгән. бу нуқта түркийә җумһур рәиси рәҗәп таййип әрдоған вә ташқи ишлар министири мәвлүт чавушоғлу тәрипидин һәр хил сәвәбләр билән тәкитлинип кәлгән иди» дейилди.

байанатта йәнә, һазирқи баш катип йусуф әл усәйминға қилған хизмәтлири сәвәбидин тәшәккүр ейтилди. йеңидин сайланған баш катип чадниң сабиқ ташқи ишлар министири һиссәйин браһим таһаниң хизмитидә мувәппәқийәтләрни қолға кәлтүрүши үчүн тиләкдашлиқ билдүрүлди.



مۇناسىۋەتلىك خەۋەرلەر