әрдоған: диҗиталлишиш наһәқчилиқларға сәвәб болмаслиқи керәк

түркийә авази радийоси хәвири: җумһур рәис рәҗәп таййип әрдоған бүгүн (2020-йили 1-декабир) башланған вә интернетта өткүзүлгән «2020-т р т ворлд мунбири» ға қатнишип, «йуқумдин кейин, дунйада хәлқаралиқ тәртип вә өзгәргән динамиклар» темисида сөз қилди.

у һайаттики һәммә нәрсигә охшаш, технологийәниңму кишиләрниң һайатиға қолайлиқ йаритиш үчүн мәвҗут икәнликини билдүрүп: «һечқандақ назарәт болмиған, халиғанчә ечиветилгән вә қанун сиртидики район дәп қаралғанда, диҗиталлишишниң бизни апиридиған җайи фашизмдур» деди.

у йаманлиқ қилған, җинайәт өткүзгән пайда тапидиған бир тәртип наминиң «әркинлик» болалмайдиғанлиқини тәкитләп: «дөләтләрниң пуқралирини қоғдаш үчүн ташлиған йахши көңүллүк қәдәмлири, қош тирнақ ичидики әркинликләр билән тосқунлуққа учраватиду. йахши көңлимиз билән қилған  тиришчанлиқлиримизға халисанә йардәм қилинмиса, түркийә һәр қандақ шараит астида пуқралириниң һәқ-һоқуқини қоғдашни давамлаштуриду» деди.

у хәлқаралиқ таратқуларниң йавропадики вәқәләрдә, көрмәс, аңлимас вә билмәс болувалғанлиқини, фирансийәниң ахбаратниң қамалиға қарши бир еғизму гәп қилмиғанлиқини әскәртип: «таратқу органлириниң исламға вә чәт әлликләргә өчмәнлик қилишта байрақ көтүрүп алдида меңиши, һәқиқәтәнму номус қиларлиқ. ахбарат әркинлики ниқаби астида намайан қилинған бундақ позитсийәгә ‹тохта› дейилмигәндә, буниң дәрдини йавропа билән бирликтә пүткүл инсанийәт тартиду» деди.

у «т р т ворлд» ниң наһәқчилиқларға қарши адаләтниң авази болғанлиқини әскәртти.