türkiye yawropa ittipaqi bilen yéqin hemkarliq ornitishni xalaydu

türkiye awazi radiyosi xewiri: jumhur reislik uchur-alaqe idarisining bashliqi fahrettin altun «2020-t r t world munbiri» ning échilish murasimida söz qildi.

u türkiyening wuxen wirusi (Kovid-19) kirizisi üstidin ghelibe qilish we téximu yaxshi kélechek berpa qilish üchün birlikte tirishchanliq qilishning küchige ishinidighanliqini bildürüp: «xelqaraliq hemkarliqni, teng barawerlik, özara menpeet yetküzüsh we ortaq meniwi qimmetler asasidila tereqqiy qildurghili bolushi mumkin» dédi.

u yawropa ittipaqi-türkiye munasiwetliri we yawropada yükséliwatqan musulmanlargha öchmenlik qilish mesililiri üstide keng toxtaldi. u mundaq dédi:

«her qaysi jehettin ülgilik az sanliq bolghan yawropadiki türklermu, hujum qilish xaraktérlik ayrimichiliqqa duch kelmekte. yene kélip, bu ehwal, özlem türeji bilen yoldishi ughur shahin wuxen wirusigha qarshi waksina yasighan bolsimu, shundaq boluwatidu. hemmining yaxshiliqi üchün, bolupmu yawropaliq dostlirimizni, tarix tekrarlanmastin burun köchmenlerge we musulmanlargha öchmenlik qilidighan idiyeni tosushqa teklip qilimiz.»

u türkiyening yawropa ittipaqi bilen téximu yaxshi munasiwet ornitishni xalaydighanliqini we buning üchün tirishchanliq qiliwatqanliqini bildürüp: «ortaq meslihetlishish we hemkarliqlirimiz, yawropadiki nepret we ayrimichiliqqa qarshi turush nuqtisida intayin muhim. ittipaqning dunyadiki musulmanlar bilen bir mesilisining yoqluqini ispatlishining birdinbir yoli, türkiyege hörmet qilghan halda muamile qilishi bolup hésablinidu.  elbette, dostluqning minnet qilish we özini üstün körüsh bilen bir yerde bolmaydighanliqi nahayiti éniq» dédi.

u kélechekte yüz bérish éhtimali bolghan tiragédiyelerning aldini élish üchün eng muhim ishning, heqiqetlerni yorutush ikenlikini alahide tekitlep, t r t world  bilen birlikte, t r t erebche, rusche we némische qanallirining, yéngi xewerlerni insanni we meniwi qimmetni merkez qilghan nuqtiiynezer bilen körürmenlerge yetküzüwatqanliqini, «awazsizlarning awazi» bolush üchün xewerchilikte özige xas til uslubi yaritishta muweppeqiyet qazanghanliqini bildürdi.