t r t boghuluwatqan awazlarning awazi

türkiye radiyo-téléwiziye idarisi- t r t mudiriytining bashliqi we bash mudir ibrahim eren «t r t world munbiri» arqiliq boghuluwatqan awazlargha awaz bolghanliqini bildürdi.

1537797
t r t boghuluwatqan awazlarning awazi

türkiye awazi radiyosi xewiri: ibrahim eren bu yil (2020) wuxen wirusi (Kovid-19) sewebidin intérnét arqiliq sin körünüshi sheklide ötküzülgen 4-qétimliq t r t world munbiride, «yuqumdin kéyinki dunyada xelqaraliq tertip we özgergen dinamiklar» témisida söz qildi.

u munberni, qarar qilghuchilar, jamaet erbapliri, pikir bashlamchiliri, siyasetchiler we ijtimaiy teshkilat ezaliri üchün, künimizning eng muhim mesililirini oxshimighan nuqtiiynezerlerde her tereptin munazire qilishni kapaletke ige qilidighan heqiqiy dunyawi munberge aylandurushni nishan qilghanliqlirini tekitlidi.

u t r t world munbirining tunji qétim ötküzülgen kündin bügüngiche «dunya xaraktérlik bir jemiyetning shexsliri bolush süpitide bir kémide ikenlikliri» ni tekitlesh üchün zor tirishchanliq körsetkenliklirini eskertip: «oxshash waqitta yene, bezi awazlarning bashqilirigha qarighanda téximu asan we téximu köp anglinidighanliqini ipade qilduq. bu sewebtin, barliq mesililerde yillar boyi körmeske sélinghanni we anglanmighanni anglitish üchün zor tirishchanliq körsettuq. boghulghan awazlarning awazi bolduq» dédi.

u t r t ning xelqaradiki tesirining astida yatqan asasliq pelsepening mushu ikenlikini bildürüp, mundaq dédi:

«awazsizlarning awazi bolush, meniwi qimmet bolghan t r t ning desturi hésablinidu. t r t world munbirini mana mushundaq qarash bilen teshkilliduq.»

u axirida, türkiye jumhur reisi rejep tayyip erdoghan qatarliq munberge küch chiqarghan barliq kishilerge teshekkür éytti.    



مۇناسىۋەتلىك خەۋەرلەر