ukraina bash ministirining türkiye ziyaritide muhim layiheler muzakire qilindi

sanaet we téxnika ministiri mustapa warank, «türkiye bilen ukrainaning otturisida küchlük ilgirileshlerni hasil qilghan munasiwetlirimizni konkrét layiheler bilen téximu janlandurushni xalaymiz» dédi.

1536555
ukraina bash ministirining türkiye ziyaritide muhim layiheler muzakire qilindi

türkiye awazi radiyosi xewiri: ukraina bash ministiri dénis shimgal tükiye ziyariti dairiside, sanaet we téxnika ministiri hemde jumhur reislik  mudapie sanaiti idarisi bashliqi ismail demir bilen istanbuldiki mabeyn sariyida  körüshti.

mustapa warank uchrishishtin ilgiri élan qilghan bayanatida, ukraina wekiller ömiki bilen körüshüsh üchün tarixi 400 yilgha sozulghan mabeyn sariyini alahide tallighanliqini bildürüp, «bu yer esirler boyi nurghun tarixiy weqelerge shahit boldi. bügünmu ukraina bilen bolghan munasiwitimiz jehette hemimiz birlikte bir tarixiy künge shahid bolimiz. küchlük ilgirileshlerni hasil qilghan munasiwetlirimizni konkrét layiheler bilen téximu janlandurushni xalaymiz» dédi.

ukraina bash ministiri dénis shimgal, ministir warank we jumhur reislik  mudapie sanaiti idarisi bashliqi ismail demir bilen ayrim körüshkendin kéyin, heyetlerara muzakire yighinigha riyasetchilik qildi.

yighinda sanaet, téxnika we mudapie sanaiti saheliride ikki dölet otturisidiki hemkarliq layiheliri muzakire qilindi.



مۇناسىۋەتلىك خەۋەرلەر