украина баш министириниң түркийә зийаритидә муһим лайиһәләр музакирә қилинди

санаәт вә техника министири мустапа варанк, «түркийә билән украинаниң оттурисида күчлүк илгириләшләрни һасил қилған мунасивәтлиримизни конкрет лайиһәләр билән техиму җанландурушни халаймиз» деди.

1536555
украина баш министириниң түркийә зийаритидә муһим лайиһәләр музакирә қилинди

түркийә авази радийоси хәвири: украина баш министири денис шимгал түкийә зийарити даирисидә, санаәт вә техника министири һәмдә җумһур рәислик  мудапиә санаити идариси башлиқи исмаил дәмир билән истанбулдики мабәйн сарийида  көрүшти.

мустапа варанк учришиштин илгири елан қилған байанатида, украина вәкилләр өмики билән көрүшүш үчүн тарихи 400 йилға созулған мабәйн сарийини алаһидә таллиғанлиқини билдүрүп, «бу йәр әсирләр бойи нурғун тарихий вәқәләргә шаһит болди. бүгүнму украина билән болған мунасивитимиз җәһәттә һәмимиз бирликтә бир тарихий күнгә шаһид болимиз. күчлүк илгириләшләрни һасил қилған мунасивәтлиримизни конкрет лайиһәләр билән техиму җанландурушни халаймиз» деди.

украина баш министири денис шимгал, министир варанк вә җумһур рәислик  мудапиә санаити идариси башлиқи исмаил дәмир билән айрим көрүшкәндин кейин, һәйәтләрара музакирә йиғиниға рийасәтчилик қилди.

йиғинда санаәт, техника вә мудапиә санаити саһәлиридә икки дөләт оттурисидики һәмкарлиқ лайиһәлири музакирә қилинди.



مۇناسىۋەتلىك خەۋەرلەر