türkiye boko haram térrorluq teshkilatining nigériyede qilghan qebih hujumini eyiblidi

türkiye awazi radiyosi xewiri: türkiye tashqi shlar ministirliqi teripidin élan qilinghan yazma bayanatta, aldinqi küni nigériyening borno ölkisige qarashliq zabarmari yézisidiki bir shal étizigha térorluq teshkilati boko haram qilghan hujumda 40 tin artuq kishining qaza qilghanliqi we nurghun kishining éghir yarilanghanliqigha dair xewerni qattiq azablinish ichide tapshurup alghanliqi bildürüldi.

bayanatta, «bu qebih térrorluq herikitini eyibleymiz. hujumda hayatidin ayrilghanlarning aile-tawabiatliridin we dost, qérindash nigériye xelqidin shundaqla hökümitidin semimiy hal soraymiz, yaridarlargha baldurraq shipaliq tileymiz» déyildi.

nigériyede 2000 - yillarning béshidin béri mewjut bolup kéliwatqan térrorluq teshkilati boko haramning 2009 – yilidin buyan élip barghan keng kölemlik zorawanliq heriketliride, 20 mingdin artuq kishi öltürülgen idi.

bu teshkilat 2015 - yildin bashlap döletning chégridash qoshniliri kaméron, chad we nigérdimu hujum qilish paaliyetlirini dawamlashturmaqta.

boko haramning chad köli oymanliqidiki hujumliridila kem dégende 2000 kishi qaza qilip, texminen 3 milyon kishi öy-makanliridin ayrilip qalgha idi.