әрдоған «‹TRT World› мунбири» йиғиниға қатнишиду

1 – 2 – декабир күнлири тор муһити астида чақирилидиған «  басқучидин кейинки хәлқаралиқ тәртип вә өзгиришчан динамикилар» темилиқ «‹TRT World› мунбири»  йиғини, җумһур рәис рәҗәп таййип әрдоғанниң ечилиш нутиқи билән башлиниду.

1535976
әрдоған «‹TRT World› мунбири» йиғиниға қатнишиду

түркийә авази радийоси хәвири: дунйаниң охшимиған җуғрапийәлиридин рәһбәрләр, мутәхәссисләр, академиклар вә мәшһур затлар қатнишидиған вә «вухән вируси» басқучидин кейинки өзгиришчан дунйа күч тәңпуңлуқлирини чөридигән һалда муһакимә елип баридиған  2020 – йиллиқ «‹TRT World› мунбири» йиғиниға, җумһур рәис рәҗәп таййип әрдоған, һәр йилқиға охшашла, бу йилму шәрәп меһмини сүпитидә иштирак қилиду.

2017 – йилдин буйан һәр йили чақириливатқан барлиқ «‹TRT World› мунбири» йиғинлириға қатнишип, түркийә вә дунйа күнтәртипигә мунасивәтлик һәйран қаларлиқ байанатларни бериватқан, һәмдә байанатлири дунйа мәтбуатлириниңму наһайити зор қизиқишини қозғап келиватқан җумһур рәис әрдоғанниң, бу йилқи йиғиндиму муһим байанатларни бериши күтүлмәктә.

дөләт әрбаблири 2020 – йиллиқ «‹TRT World› мунбири» йиғинида бир йәргә җәм болиду

 

2020 – йиллиқ «‹TRT World› мунбири» йиғиниға, җумһур рәис рәҗәп таййип әрдоғанниң йеқин хизмәтдашлири җумһур рәислик сарийи учур - алақә ишлири идарисиниң башлиқи фаһрәттин алтун, җумһур рәислик сарийи байанатчиси ибраһим қалин, санаәт вә технологийә ишлири министири мустафа варанк вә дөлитимиз ташқи ишлар министири мәвлүт чавушоғлуму қатнишиду. җумһур рәислик сарийи учур - алақә ишлири идарисиниң башлиқи фаһрәттин алтунниң «вухән вируси» йуқуми һәққидә муһим байанатларни елан қилиши күтүлүватқан йиғинда, алдинқи йиллардикигә охшашла, бу йилму дунйаниң һәрқайси җайлиридин дөләтлик вә хәлқаралиқ иштиракчиларниң муһим мәсилиләрни күнтәртипкә елип келиши мөлчәрләнмәктә.

«<вухән вируси> басқучидин кейинки хәлқаралиқ тәртип вә өзгиришчан динамикилар» темисида чақирилидиған йиғинда, дөләт әрбаблири муһим темиларға мунасивәтлик олтурушларға иштирак қилиду. җумһур рәислик сарийи байанатчиси ибраһим қалин, «<вухән вируси> басқучида көп қутублуқ дунйа: йәр шари характерлик һәмкарлиқниң келәчики», дөлитимиз ташқи ишлар министири мәвлүт чавушоғлу, «дөләтләр ара мунасивәтләрдә <вухән вируси> басқучидин кейинки йеңи дәвр», санаәт вә технологийә ишлири министири мустафа варанк, «<вухән вируси> басқучидин кейинки мәзгилдә дунйа технологийәсиниң кечәлики» мавзулуқ олтурушларға қатнишип, йәр шари характерлик киризислар һәққидә муһакимә елип бариду.

«www.trtworldforum.com» интернет тор адресини зийарәт қилиш арқилиқ, 2020 – йиллиқ «‹TRT World› мунбири» йиғиниға тизимға алдурғили вә йиғин һәққидә техиму көп учурға еришкили болиду.



مۇناسىۋەتلىك خەۋەرلەر