«‹TRT World› munbiri» yighini erdoghanning échilish nutiqi bilen bashlinidu

türkiye awazi radiyosi xewiri: türkiye radiyo – téléwiziye orgini (TRT) teripidin élan qilinghan bayanatta eskertilishiche, dunyaning oxshimighan jughrapiyeliridin rehberler, mutexessisler, akadémiklar we meshhur zatlar, 2020 – yilliq «‹TRT World› munbiri» yighinida, «wuxen wirusi» basquchidin kéyinki özgirishchan dunya küch tengpungluqlirini chöridigen halda muhakime élip baridiken.

t r t teripidin 1 – 2 – dékabir künliri tor muhiti astida chaqirilidighan yighin, sherep méhmini bolghan jumhur reis rejep tayyip erdoghanning échilish nutiqi bilen bashlinidiken.

«<wuxen wirusi> basquchidin kéyinki xelqaraliq tertip we özgirishchan dinamikilar» témisida chaqirilidighan yighinda, dölitimiz tashqi ishlar ministiri mewlüt chawushoghlu, «döletler ara munasiwetlerde <wuxen wirusi> basquchidin kéyinki yéngi dewr», sanaet we téxnologiye ishliri ministiri mustafa warank, «<wuxen wirusi> basquchidin kéyinki mezgilde dunya téxnologiyesining kécheliki» mawzuluq olturushlargha qatniship, yer shari xaraktérlik kirizislar heqqide muhakime élip baridiken.

jumhur reislik sariyi uchur - alaqe ishliri idarisining bashliqi fahrettin altun dunya küntertipi heqqide söz qilidighan yighinda, jumhur reislik sariyi bayanatchisi ibrahim qalinmu, «<wuxen wirusi> basquchida köp qutubluq dunya: yer shari xaraktérlik hemkarliqning kélechiki» témiliq olturushqa qatniship, köz – qarashlirini otturigha qoyidiken.

«www.trtworldforum.com» intérnét tor adrésini ziyaret qilish arqiliq, 2020 – yilliq «‹TRT World› munbiri» yighinigha tizimgha aldurghili we yighin heqqide téximu köp uchurgha érishkili bolidiken.