чавушоғлу нигерда икки тәрәплик учришишларни елип барди

дөлитимиз ташқи ишлар министири мәвлүт чавушоғлу ислам һәмкарлиқ тәшкилатиниң 47 – нөвәтлик дипломатийә министирлири кеңиши йиғини үчүн йетип барған нигерниң пайтәхти нийамейда икки тәрәплик учришишларда болди.

1535825
чавушоғлу нигерда икки тәрәплик учришишларни елип барди

түркийә авази радийоси хәвири: министир чавушоғлу, аммиви ортақлишиш тор бети Twitter сәһиписидә, бу һәқтә елан қилған байанатида, нигер пирезиденти иссуфу маһамадо билән көрүшкәндә, униңға җумһур рәис  рәҗәп таййип әрдоғанниң салимини йәткүзгәнликини, һәмдә ислам һәмкарлиқ тәшкилатиниң нөвәтчи рәиси болғанлиқи үчүн, нигер пирезидентини йәнә бир қетим тәбриклигәнликини тәкитләп мундақ деди: «нигер билән дөләт мудапиәси, сәһийә, маарип, канчилиқ қатарлиқ саһәләрдә һәмкарлиқимизни йәниму күчәйттимиз.»

чавушоғлу, аммиви ортақлишиш тор бети Twitter сәһиписидики йәнә бир учурида, сәуди әрәбистан ташқи ишлар вәзири фәйсәл бин фәрһан билән сәмимий муһит астида көрүшкәнликини, түркийәниң сәуди әрәбистан билән болған мунасивәтләргә әһмийәт беридиғанлиқини тәкитләп мундақ деди: «күчлүк түркийә – сәуди әрәбистан һәмраһлиқи, пәқәт икки дөләт үчүнла әмәс, пүткүл районимиз үчүнму пайдилиқ болиду.»

у, малдиви ташқи ишлар министири абдуллаһ шаһид билән көрүшкәнликигә мунасивәтлик учурида, икки дөләт оттурисидики һәмкарлиқниң һәр саһәдә, болупму иқтисад, сода, йеза игилик вә маарип саһәлиридә тәрәққий қилдурулидиғанлиқини әскәртип мундақ деди: «түркийә һава йоллири ширкитиниң малиға қарита ишқа кириштүргән айропилан сәпәрлири, икки дөләт оттурисидики сайаһәтчилик ишлириға муһим төһпә қошиду.»



مۇناسىۋەتلىك خەۋەرلەر