iraqning shimalida térrorchilargha ejellik zerbe bérildi
iraqning shimalida bölgünchi térrorluq teshkilati p k k gha ait ghar yer bilen yeksan qiliwétildi.
türkiye awazi radiyosi xewiri: iraqning shimalidiki haquruq rayonida, bölgünchi térrorluq teshkilati p k k gha ait 8 hujriliq bir ghar, ichidiki turmush buyumliri we oq – dorilar bilen birlikte yer bilen yeksan qiliwétildi.
bu ariliqta, süriyede «<tinchliq buliqi> herbiy herikiti» rayonida hujumgha ötüshke teyyarliniwatqan bölgünchi térrorluq teshkilati p k k ezasi 2 térrorchi bir terep qilindi.
türkiye dölet mudapie ministirliqining ammiwi ortaqlishish tor béti Twitter sehipiside, bu heqte élan qilinghan bayanatida, mundaq déyildi: «<tinchliq buliqi> herbiy herikiti rayonida, huzur we tinchliq muhitini buzush meqsitide hujumgha ötüshke teyyarliniwatqan bölgünchi térrorluq teshkilati p k k/y p g ezasi 2 térrorchi, muweppeqiyetlik herbiy heriket netijiside bir terep qilindi. rayonda tinchliq we muqimliqning izchil dawamlishishi üchün, dawamliq her türlük tedbirler élinidu.»