eren: bu yilqi «‹TRT World› munbiri» yighinida dunya küntertipi muhakime qilinidu
türkiye radiyo – téléwiziye orginining bash mudiri ibrahim eren, bu yilqi «‹TRT World› munbiri» yighinida, herdaimqigha oxshashla bu yilmu dunya kentertige alaqidar muhim mesililer heqqide muhakime élip bérishni nishan qiliwatqanliqlirini éytti.
türkiye awazi radiyosi xewiri: eren, bu yil «<wuxen wirusi> basquchidin kéyinki xelqaraliq tertip we özgirishchan dinamikilar» témisida, 1 – 2 – dékabir künliri chaqirilidighan 4 – nöwetlik «‹TRT World› munbiri» yighinining deslepki künide, insan we wijdan muhim nuqta qilinghan bir anggha asasen, yer shari xaraktérlik kirizislarni hel qilishni nishan qilidighan xelqaraliq bir munber yighini bolushini nishan qiliwatqanliqlirini eskertish bilen bir waqitta, kéyinki 3 yil ichide bu nishanlargha mölcherdikidinmu yuqiri sewiyede yétishte muweppeqiyet qazanghanliqlirini, bu yilqi yighinning, «wuxen wirusi» sewebidin tor muhiti astida ötküzülidighanliqini tekitlep mundaq dédi: «bu yilqi ‹TRT World› munbiri yighinida, herdaimqigha oxshashla bu yilmu dunya knntertipige alaqidar muhim mesililer heqqide muhakime élip bérishni nishan qiliwatimiz. bu asasliq témilirimiz arisida, <(wuxen wirusi) mezgilide radiyo – téléwiziye we axbarat wasitilirining roli>, «yer shari xaraktérlik sehiye mesililirini ortaq hel qilish chare – tedbirliri>, «soda-sanaet we maarip sahesining kélechiki> we bu mezgilde <insanperwerlik yardem> qatarliq témilar, bu yilqi yighinda talash - tartish qilinidighan muhim nuqtilarni teshkil qilidu.»
niyetliri we nishanlirining adettin tashqiri derijide roshen ikenlikini eskertken ibrahim eren, türkiye jaylashqan jughrapiyeni öz ichige alghan pütkül dunya miqyasida yéqinqi mezgillerde izdinish basquchining dawamlishiwatqanliqini, özliriningmu bu munber arqiliq bu basquchqa hesse qoshushni, chare – tedbir tekliplirining, özgirishlerning dunyagha anglitilishida terjiman bolushni, oxshimighan pikirlerning talash - tartish qilinishigha zémin hazirlap bérishni nishan qiliwatqanliqlirini tekitlep mundaq dédi: «tor bétige tizimgha aldurghan kishilerning hemmisi, hem bu yilqi barliq olturushqa qatnishalaydu, hemde olturushlirimizni ammiwi taratqulardiki sehipilirimizdin kkziteleydu. aldinqi yili 2 mingdin artuq kishi qatnashqan ‹TRT World› munbiri yighinigha, bu yil tor muhiti astida chaqirilidighan bolghachqa, téximu köp kishining qatnishishi kütülmekte.»
türkiye radiyo – téléwiziye idarisining bügünki künde imkaniyetliri we dunyagha özgiche nezer tashlash éngigha asasen, yer shari xaraktérlik tesir qozghiyalaydighan bir markigha aylanghanliqini eskertken ibrahim eren, izchil emelge ashurup kéliwatqan layiheliri we özgichilik yaritish seperwerlik heriketlirining türtkiside, türkiyening döletlik radiyo - téléwiziye orgini bolush süpiti bilen, axbarat wasitiliri arqiliq, amma köngül bölidighan muhim mesililerge diqqetlerni burashni, jemiyetni meniwi jehettin béyitishni muhim mesuliyet dep qaraydighanliqlirini bildürdi, hemde türkiye radiyo – téléwiziye idarisining xelqara sehnidiki mewjudiyitige, insaniyetke, tinchliqqa, parawanliqa we adaletke xizmet qilishning muhim wasitisi süpitide nahayiti zor ehmiyet béridighanliqlirini tekitlidi.
