әрән: бу йилқи «‹TRT World› мунбири» йиғинида дунйа күнтәртипи муһакимә қилиниду

түркийә радийо – телевизийә оргининиң баш мудири ибраһим әрән, бу йилқи «‹TRT World› мунбири» йиғинида, һәрдаимқиға охшашла бу йилму дунйа кәнтәртигә алақидар муһим мәсилиләр һәққидә муһакимә елип беришни нишан қиливатқанлиқлирини ейтти.

1535356
әрән: бу йилқи «‹TRT World› мунбири» йиғинида дунйа күнтәртипи муһакимә қилиниду

түркийә авази радийоси хәвири: әрән, бу йил «<вухән вируси> басқучидин кейинки хәлқаралиқ тәртип вә өзгиришчан динамикилар» темисида, 1 – 2 – декабир күнлири чақирилидиған 4 – нөвәтлик «‹TRT World› мунбири» йиғининиң дәсләпки күнидә, инсан вә виҗдан муһим нуқта қилинған бир аңға асасән, йәр шари характерлик киризисларни һәл қилишни нишан қилидиған хәлқаралиқ бир мунбәр йиғини болушини нишан қиливатқанлиқлирини әскәртиш билән бир вақитта, кейинки 3 йил ичидә бу нишанларға мөлчәрдикидинму йуқири сәвийәдә йетиштә мувәппәқийәт қазанғанлиқлирини, бу йилқи йиғинниң,  «вухән вируси» сәвәбидин тор муһити астида өткүзүлидиғанлиқини тәкитләп мундақ деди: «бу йилқи ‹TRT World› мунбири йиғинида, һәрдаимқиға охшашла бу йилму дунйа кннтәртипигә алақидар муһим мәсилиләр һәққидә муһакимә елип беришни нишан қиливатимиз. бу асаслиқ темилиримиз арисида, <(вухән вируси) мәзгилидә радийо – телевизийә вә ахбарат васитилириниң роли>, «йәр шари характерлик сәһийә мәсилилирини ортақ һәл қилиш чарә – тәдбирлири>, «сода-санаәт вә маарип саһәсиниң келәчики> вә бу мәзгилдә <инсанпәрвәрлик йардәм> қатарлиқ темилар, бу йилқи йиғинда талаш - тартиш қилинидиған муһим нуқтиларни тәшкил қилиду.»

нийәтлири вә нишанлириниң адәттин ташқири дәриҗидә рошән икәнликини әскәрткән ибраһим әрән, түркийә җайлашқан җуғрапийәни өз ичигә алған пүткүл дунйа миқйасида йеқинқи мәзгилләрдә издиниш басқучиниң давамлишиватқанлиқини, өзлириниңму бу мунбәр арқилиқ бу басқучқа һәссә қошушни, чарә – тәдбир тәклиплириниң, өзгиришләрниң дунйаға аңлитилишида тәрҗиман болушни, охшимиған пикирләрниң талаш - тартиш қилинишиға земин һазирлап беришни нишан қиливатқанлиқлирини тәкитләп мундақ деди: «тор бетигә тизимға алдурған кишиләрниң һәммиси, һәм  бу йилқи барлиқ олтурушқа қатнишалайду, һәмдә олтурушлиримизни аммиви таратқулардики сәһипилиримиздин ккзитәләйду. алдинқи йили 2 миңдин артуқ киши қатнашқан ‹TRT World› мунбири йиғиниға, бу йил тор муһити астида чақирилидиған болғачқа, техиму көп кишиниң қатнишиши күтүлмәктә.»

түркийә радийо – телевизийә идарисиниң бүгүнки күндә имканийәтлири вә  дунйаға өзгичә нәзәр ташлаш еңиға асасән, йәр шари характерлик тәсир қозғийалайдиған бир маркиға айланғанлиқини әскәрткән ибраһим әрән, изчил әмәлгә ашуруп келиватқан лайиһәлири вә өзгичилик йаритиш сәпәрвәрлик һәрикәтлириниң түрткисидә, түркийәниң дөләтлик радийо - телевизийә оргини болуш сүпити билән, ахбарат васитилири арқилиқ, амма көңүл бөлидиған муһим мәсилиләргә диққәтләрни бурашни,  җәмийәтни мәниви җәһәттин бейитишни муһим мәсулийәт дәп қарайдиғанлиқлирини билдүрди, һәмдә  түркийә радийо – телевизийә идарисиниң хәлқара сәһнидики мәвҗудийитигә, инсанийәткә, тинчлиққа, параванлиқа вә адаләткә хизмәт қилишниң муһим васитиси сүпитидә  наһайити зор әһмийәт беридиғанлиқлирини тәкитлиди.



مۇناسىۋەتلىك خەۋەرلەر