chawushoghlu nigérda maldiwé we chad diplomatiye ministirliri bilen körüshti

dölitimiz tashqi ishlar ministiri mewlüt chawushoghlu islam hemkarliq teshkilatining 47 – nöwetlik diplomatiye ministirliri kéngishi yighinigha qatnishish üchün yétip barghan nigérda maldiwé we chad diplomatiye ministirliri bilen körüshti.

1535226
chawushoghlu nigérda maldiwé we chad diplomatiye ministirliri bilen körüshti

türkiye awazi radiyosi xewiri: diplomatik menbelerning bildürüshiche, tashqi ishlar ministiri mewlüt chawushoghlu, islam hemkarliq teshkilatining 47 – nöwetlik diplomatiye ministirliri kéngishi yighinigha qatnishish üchün, nigérning paytexti niyaméygha yétip barghan. chawushoghluni ayrodurumda nigér diplomatiye ministiri kalla ankoraw qarshi alghan.

chawushoghlu kéyinche, yighin dairiside, chad diplomatiye ministiri amine abba siddiq we maldiwé tashqi ishlar ministiri abdullah shahid bilen ayrim - ayrim körüshken.

ministir chawushoghlu, ammiwi ortaqlishish tor béti Twitter sehipiside, bu heqte élan qilghan bayanatida, mundaq dédi: «chad diplomatiye ministiri amine abba siddiq bilen semimiy söhbet élip barduq. söhbitimizde, islam hemkarliq teshkilatining yéngi bash katipini saylap chiqish mesilisi heqqide muzakire élip barduq. chadliq qérindashlirimizgha qarita maarip we tereqqiyat jehettiki yardemlirimiz üzlüksiz dawamlishidu.  maldiwé tashqi ishlar ministiri abdullah shahid bilen élip barghan uchrishimizda, soda – iqtisad, yéza igilik we maarip qatarliq  sahelerde hemkarliqni yenimu kücheytish qatarliq témilarni chöridigen halda söhbet ötküzduq. türkiye hawa yolliri shirkitining maligha qarita ishqa kirishtürgen ayropilan seperliri, döletlirimiz otturisidiki sayahet ishlirining tereqqiy qilishida türtkilik rol oynaydu.»


خەتكۈچ: #chad , #maldiwé , #nigér , #chawushoghlu

مۇناسىۋەتلىك خەۋەرلەر