erdoghan: islam we musulman düshmenliki bezi gherb döletlirining siyasitige aylandi

türkiye awazi radiyosi xewiri: jumhur reis erdoghan paytext enqerediki jumhur reislik mehkimisidin 36 – nöwetlik islam hemkarliq teshkilati iqtisadiy we soda hemkarliqi daimiy komitéti yighinining échilish murasimigha sin körünüshlük halette biwasite qildi.

jumhur reis erdoghan, silam we musulman düshmenlikining bir qisim yawropa döletliride biwasite pirézidéntlar derijiside himaye qilishqa érishken bir siyasetke aylanghanliqini eskertip, «ikkinchi dunya urushidin ilgiri yawropadiki yehudiylargha qaritilghan yeklesh we öchmenlik dolqunigha nöwette musulmanlar duch kelmekte» dédi.

erdoghan «milyonlarche xelqimizning heq we hoquqini layaqetsiz siyasetchilerning xirislirigha qurban qiliwetsek bolmaydu. qanun we démokratiye bayriqi asitida xelqara munberlerdin paydilinip gherbni waba misali oriwalghan medeniyet irqchiliqigha qarshi küresh qilishimiz kérek. buni qilish yolining küch birliki hasil qilish ikenlikide shübhe yoq» dédi.

u yene «pelestinlik qérindashlirimizning bayashatliqini yuqiri kötüridighan islam hemkarliq teshkilati iqtisadiy we soda hemkarliqi quddus pilanini siler – eza döletlerningmu tégishlik derijide qollaydighanliqigha ishinimen. arimizdiki birlik, barawerlik we paal hemkarliq, pelestin dewasidimu bashqa sahelerdimu utuq qazinishimizning achquchi bolidu» dégenlerni qeyt qildi.

jumhur reis erdoghan sözide yene, kowid – 19 yuqumining din, til, irq ayrimastin pütkül insaniyetning qismitining oxshash ikenlikini körsitip bergenlikini eskertti.

«yuqumning iqtisadiy tesirlirini azaytish, ishlepchiqirish we telepning izchilliqini kapaletlendürüsh üchün qolimizdiki imkaniyetlerni seperwer qilishimiz lazim» dégen erdoghan, «tashqi sodimizning yuqum mezgilide éghir talapetke uchrimasliqi sodigha righbetlendüridighan, uninggha qolayliq yaritip béridighan chare – tedbirlerni yolgha qoyushimiz kérek» dégenlerni sözlirige ilawe qildi.