фаһрәттин коҗа йәрлик ваксина тоғрисида хуш хәвәр бәрди

тетанос-дифтәри ваксинасиниң барлиқ ишләпчиқириш җәрйани пүтүнләй йәрлик имканийәтләр билән ахирлашти.

1534072
фаһрәттин коҗа йәрлик ваксина тоғрисида хуш хәвәр бәрди

түркийә авази радийоси хәвири: түркийә сәһийә министири фаһрәттин коҗа йазма байанат елан қилип, йәрликләштүрүш вә миллийлишиш сийасити бойичә министирлиқниң қоллиши астида 2015-йилидин бери қилиниватқан хизмәтләрниң дәсләпки нәтиҗиләрни бәргәнликини билдүрди.

у хәлқаралиқ өлчәмләр бойичә йасалған йәрлик ваксинаниң ишлитишкә тәййар болғанлиқини билдүрүп: «министирлиқимиз тәстиқлап қоллиған лайиһә тунҗи мәһсулатлирини бәрди. техника өткүзүп беришни өз ичигә алған ваксина тәтқиқати мувәппәқийәтлик ахирлашти. тетанос-дифтәри ваксинасиниң барлиқ ишләпчиқириш җәрйани пүтүнләй йәрлик имканийәтләр билән ахирлашти» деди.

у йәнә мундақ деди:

«әнқәрәниң ақйурт наһийәсидә 2015-йили башланған лайиһә рамкисида, ‹Turk› дора ширкити ‹йахши ишләпчиқириш җәрйани (GMP) гуваһнамиси› бар әслиһәләрдә, антиген ишләпчиқиришни өз ичигә алған барлиқ басқучлар дөләт ичидики әслиһәләр билән тамамлинип, ишләпчиқириш башланди. зөрүр болған сүпәт контроллуқидин өткән вә тәстиқланған тетанос-дифтәри ваксинаси дәсләптә министирлиқимизға йәткүзүлди. йәрлик ваксина ишләпчиқириш күнтәртиптә болған мәзгилдә, бу саһәдә муһим мувәппәқийәт қолға кәлтүрүлди. биз йәрликләштүрүш сийасити даирисидә башлиған йәрлик ваксина ишләпчиқириш мусаписи йеңи хуш хәвәрләр  билән давамлишиду. хәйрилик болсун.»   



مۇناسىۋەتلىك خەۋەرلەر