türkiye p k k gha zerbe bérishni dawamlashturmaqta
bölgünchi térrorluq teshkilati p k k / k j k ning atalmish maslashturush ishlirigha mesul ezasi dihlaz texellusluq hizret chalqin, iraqning shimalida bir terep qilindi.
türkiye awazi radiyosi xewiri: türkiye jumhuriyiti milliy istixbarat idarisi, üstidin tutush buyruqi chiqirilghan térrorchilar tizimlikining külreng katégoriyeside ismi bolghan p k k / k j k ning iraq bilen süriye arisidiki térrorchilarni yötkesh ishlirigha mesul ezasi hizret chalqinning yighingha qatnishidighanliqi uchurini tapshurup aldi.
milliy istixbarat idarisining rayondiki xadimliri teripidin yéqindin nazaret qilinghan we yighin échilidighan yergiche qedemmu qedem iz qoghlap közitilgen térrorchi chalqinning, bashqa térrorchilar bilen uchrashqanliqi éniqlandi.
térrorchilarning iraqning shimalidiki yighini esnasida élip bérilghan zerbe bérish herikitide, dihliz texellusluq chalqin bilen uning etrapidiki térrorchilar nahayiti del nishangha élinip bir terep qilindi.
yene bir tereptin, wanda qoralliq saqchi qisimning qayil qilish xizmetliri netijiside p k k ning iraqtiki atalmish birlik qomandani bir térrorchi xewpsizlik küchlirige teslim boldi.
buningdin bashqa, türkiye jumhuriyiti dölet mudapie ministirliqi bayanat élan qilip, iraqning shimalidiki térrorchilargha zerbe bérish meqsitide élip bériliwatqan yolwas penchisi herbiy herikitige qatnashqan komandir jengchilerning nahayiti köp sanda öngkürlerni bayqap, bölgünchi térrorluq teshkilati p k k ning bir dane ayropilan atar qorali, bir dane m-16 tipliq piyadiler miltiqi we ikki oqdan, bir at-4 tipliq tankaatar, 17 dane yerlik usulda yasalghan partlatquch, bir qol bombisi, 15 aptomat, 58 dane giranatamiyut, 15 yürüsh pilimut oqi we 200 kilogiram amonyum nitrat bilen birlikte bir qisim turmush buyumlirini qolgha chüshürgenlikini uqturdi.
