mewlüt chawushoghlu: yawropa ittipaqining ötküzgen xataliqini tonup yétishini kütmektimiz

tashqi ishlar ministiri mewlüt chawushoghlu  yawropa ittipaqining ötküzgen xataliqini tonup yétishini we türkiyening eza bolishining ittipaqqa élip kélidighan qimmitini körüp yétishini kütidighanliqi éytti.

1533401
mewlüt chawushoghlu: yawropa ittipaqining ötküzgen xataliqini tonup yétishini kütmektimiz

türkiye awazi radiyosi xewiri: ministir mewlüt chawushoghlu, türkiye büyük millet mejlisi (parlaménti), pilan we xamchot komitéti yighinida, tashqi ishlar ministirliqining 2021 - yilliq xamchotini tonushturdi.

mewlüt chawushoghlu sherqiy aq déngiz we ege déngizidiki ehwallarning türkiyening yawropa ittipaqi bilen bolghan munasiwetlirigimu tesir körsetkenlikini bildürüp, «girétsiye we qibris rim terep hakimiyiti qoshmaqliri yalghuz emes. bezi ezalar dölitimiz bilen bolghan özara mesililerni yawropa ittipaqigha sörep kirmekte. ular atalmish​​ ittipaqqa ezaliq niqabini taqiwilip, dawamliq bizge qarshi  suyistémal qilmaqta» dédi.

chawushoghlu yawropa ittipaqining bu xataliqtin qaytishi kéreklikini tekitlep, «eger buni qilalisa, hemkarliqimizdin pütkül yawropa paydigha érishidu. eger qilalmisa, pütkül yawropa ziyan tartidu. yawropa ittipaqining ötküzgen xataliqini tonup yétishini we türkiyening eza bolishining ittipaqqa élip kélidighan qimmitini körüp yétishini ümid qilimiz.  shundaq bolghanda biz her ikki terep üchün téximu ünümlük munasiwet ornitalaydighanliqimizgha ishinimiz. yawropa ittipaqi bilen bolghan alaqimizda, ijabiy diyalog ichide bolush arzuyimizni tekitleymiz» dédi.

türkiyening bu jehette yalghuz ikenlikini tekitligen chawushoghlu, yawropa ittipaqi ezaliri arisida bu agahlandurushlarning heqqaniyliqini bilidighan we türkiye bilen ornitilghan diyalogning yawropaning muqimliqi üchün neqeder muhimliqini tonup yetken döletlerning köp sanliqta ikenlikini éytti.

mewlüt chawushoghlu, amérika bilen bolghan munasiwetlerde bolsa, nöwette duch kelgen xirislar we yoshurun pursetlerning mewjutluqi dawamlishiwatqanliqini tekitlep, süriye, bolupmu liwiye qatarliq rayon xaraktérlik tinchliq we bixeterlikke munasiwetlik mesililerde, bezi pikir oxshimasliqlirining bolishigha qarimay, türkiyening shimaliy atlantik ehdi teshkilati ittipaqdishi bolghan amérika bilen meslihet we maslishish ichide heriket qilghanliqini tilgha aldi.



مۇناسىۋەتلىك خەۋەرلەر