«türkiyeni yéngi yüksilish dewrige siljitish iradimiz qetiy»

jumhur reis rejep tayyip erdoghan türkiyeni iqtisadiy tereqqiyat we démokratiyede yéngi yüksilish dewrige qedem qoyghuzush iradilirining qetiylikini éytti.

1531324
«türkiyeni yéngi yüksilish dewrige siljitish iradimiz qetiy»

türkiye awazi radiyosi xewiri: erdoghan, istanbulda TÜYAP  yermenke we yighin zalida ötküzülgen, 18 – nöwetlik musteqil sanaetchiler we karxanichilar jemiyiti yermenkiside sözligen nutiqida, dölet bolush süpiti bilen, hem xelqning salametlikini qoghdash hemde ishlepchiqirish we ishqa orunlashturushni aqsatmastin dawamlashturushni kapaletke ige qilishqa tirishiwatqanliqlirini eskertish bilen bir waqitta, «wuxen wirusi» gha qarshi küresh mesiliside qolliridighan kélidighan barliq xizmetlerni ishligenlikliri hem ishlewatqanliqlirini, alimlarning tewsiyelirige asasen tashlashqa tégishlik qedemlerni tashlighanliqliri we tashlawatqanliqlirini tekitlep mundaq dédi: «shert – sharaitlardin eng toghra shekilde paydilinip, bu basquchni pursetke aylandurush mesiliside iradimiz qetiydur. <wuxen wirusi> ning ikkinchi basquchi pütkül dunyani ongtey – tongtey qiliwatqan mezgildimu bir qeder yaxshi körünüshke igimiz.»

iqtisadiy tereqqiyat we démokratiyede türkiyeni yéngi yüksilish dewrige qedem qoyghuzush iradilirining qetiylikini eskertken erdoghan, mundaq dep körsetti: «türkiyeni pul paxalliqi - ösüm we péréwot nisbiti iskenjisidin qutuldurushimiz sherttur. pul paxalliqining sewebi ösümdur. buning netijisi weyranchiliqtur. bu heqiqetni mushundaq bileyli. biz hem iqtisadiy siyasitimizni kücheytidighan, démokratiyemiz we erkinlikimizning qurulmisini mustehkemlesh, hemde xelqimizning kündilik turmushida xatirjem yashishini kapaletke ige qilish yolida tinim tapmay xizmet ishlewatimiz.»



مۇناسىۋەتلىك خەۋەرلەر