aqar: türkiye – rusiye herbiy heyetliri téxnikiliq  muzakirilerni élip bardi

dölet mudapie ministiri xulusi aqar ezerbeyjan bilen erméniyening taghliq qarabagh mesiliside urush toxtitish kélishimi hasil qilishidin kéyin, türkiye – rusiye herbiy heyetlirining enqerede téxnikiliq muzakirilerni élip barghanliqini bildürdi.

1529427
aqar: türkiye – rusiye herbiy heyetliri téxnikiliq  muzakirilerni élip bardi

türkiye awazi radiyosi xewiri: aqarning riyasetchilikide, bash ishtab bashliqi général yashar güler, herqaysi armiyelerning qomandanliri hem muawin qomandanliri yunus emre qaraosmanoghlu bilen alpaslan qawaqlioghluningmu ishtirak qilishida widéo konférans yighini chaqirildi.

aqar, yighinda taghliq qarabagh mesilisi toghruluq urush toxtitish kélishimi imzalanghandin kéyin, türkiye bilen rusiye dölet mudapie ministirliqliri otturisida kélishim layihesi imzalanghanliqini tekitlep mundaq dédi: «bularning hemmisi ramka kélishimliri bolup, toluqlashqa toghra kélidu. bu heqte rusiyedin téxnikiliq bir heyet enqerege kelgendin kéyin, muzakiriler ötküzüldi. özara paaliyetlirimiz dawamlashmaqta.»

erméniyening ishghal astidiki zéminlardin chékiniwétip öy – makanlargha we ormanliqlargha ot qoyuwétishige naraziliq bildürgen aqar, shimaliy qibris türk jumhuriyiti qurulghanliqining 37 – yilliqini yene bir qétim tebriklep mundaq dédi: «qibris mesilisi türkiyening milliy mesilisidur. derweqe, türkiye yéngi dewrdimu qibrisni qollashni üzlüksiz dawamlashturidu. qibris mesilisige qarita ilgiriki pozitsiyemiz, qarishimiz we chüshenchilirimiz qandaq bolsa, hazirmu shundaq bolup, qilche özgergini yoq. bu ariliqta, rumlarning muresseleshmez pozitsiyeliridin waz kéchishi, u yerdiki türklerning mewjudiyitining qobul qilinishi, ularningmu igilik hoquqqa we hoquqqa barawerlikke ige bir millet ikenliki bilinishi lazim. biz herqandaq bir köz boyamchiliqni qobul qilmaydighanliqimizni köp qétim otturigha qoyduq. derweqe, bundaq bolushimu esla mumkin emes. türkiye bolush süpitimiz bilen, herdaimqigha oxshashla shimaliy qibris türk jumhuriyitining heq – hoquqliri we tüp menpeetlirige sahib chiqimiz, héchqachan depsende qilinishigha qetiy yol qoymaymiz.»

türkiyening kapaletchilikke asaslinidighan mesuliyetlirini üzlüksiz ada qilidighanliqini éytqan aqar, qibris türklirining heq – hoquqlirini jan tikip qoghdaydighanliqini eskertish bilen bir waqitta, tetqiqat paraxotlirining sherqiy aqdéngizdiki téxnikiliq we ilmiy paaliyetlirining izchil dawamlishiwatqanliqini tekitlep mundaq dédi: «bu paraxotlirimizning tetqiqat paaliyetliri dawamlashmaqta, bizmu bu paraxotlirimizning bixeterlikini qoghdawatimiz. bu heqtiki iradimiz qetiydur. bizning türkiye armiyesi bolush süpitimiz bilen, quruqluqtimu, déngizdimu, hawadimu eziz xelqimizning heq – hoquqliri, aliy menpeetlirini pütün küchimiz bilen qoghdash we mudapie qilish iradimiz qetiy tewrenmeydu.»


خەتكۈچ: #heyet , #herbiy , #rusiye , #türkiye , #aqar

مۇناسىۋەتلىك خەۋەرلەر