ezerbeyjangha esker ewetish layihesi parlaméntqa sunuldi

ezerbeyjangha esker ewetishke munasiwetlik jumhur reislik qanun teklip layihesi türkiye büyük millet mejlisi (parlamnéti) ge ewetildi.

1528745
ezerbeyjangha esker ewetish layihesi parlaméntqa sunuldi

türkiye awazi radiyosi xewiri: türkiye jumhur reisi rejep tayyip erdoghan ezerbeyjangha esker ewetish toghrisidiki teklip layiheni imzalap parlaméntqa ewetti.

layihede, dost we qérindash dölet ezerbeyjanning ishghal astidiki zéminlirini azad qilish kürishining yillar boyiche dawamlishiwatqanliqi xatirilitildi.

layihede, erméniyening 2020-yili 27-séntebir üstün qarabagh linyesi boyiche herbiy we puqralarning turalghulirigha qilghan hujumlirigha qarshi, ezerbeyjanning qanuniy bolghan özini qoghdash hoquqigha tayinip bashlighan herbiy herikiti netijiside, ishghal astidiki zéminlirining azad qilinishida muhim muweppeqiyetlerni qolgha keltürgenliki qeyt qilindi.

ezerbeyjan, rusiye we erméniye otturisida tüzülgen kélishim boyiche 2020-yili 10-noyabir shu yer waqti 00:00 din bashlap urush qilishning toxtitilghanliqi we ishghal astidiki zéminlarning belgilengen waqit ichide ezerbeyjangha qayturup bérilishining élan qilinghanliqi eskertilgen layihede, urush toxttishni nazaret qilish üchün azad qilinghan ezerbeyjan zéminlirida «ortaq merkez» qurulidighanliqi qeyt qilindi.

layihede, ezerbeyjanning telipi boyiche ortaq merkezde türkiye bilen rusiyening birlikte bolushining qarar qilinghanliqi eskertildi.

layihede yene, türkiye bilen otturisida tüzülgen istratégiyelik shériklik we özara yardem qilish kélishimide bérilgen wedilirini orunlash, urush toxtitishqa xilapliq qilishning aldini élish, rayonda tinchliq we xatirjemlikni berpa qilish, türkiyening aliy menpeetlirini ünümlük shekilde qoghdash we qollash meqsitide, türkiye herbiy qisimlirining ortaq merkezde wezipe ötishi üchün bir yil ruxset qilish telep qilindi.   



مۇناسىۋەتلىك خەۋەرلەر