y t b bashliqi liwiye heyiti bilen körüshti

türkiye awazi radiyosi xewiri: liwiyening aldinqi qatarda turidighan amazigh, toarég we tebu milletlirining jamaet erbabliri we mejlis bashliqliri paytext enqerede türkiye sirtdiki türkler we qérindash türkiy milletler bashqarmisini ziyaret qildi, hemde bashqarma bashliqi abdullah eren bilen bir yerge jem boldi.

uchrishishta, maarip we medeniyet saheliride türkiye sirtdiki türkler we qérindash türkiy milletler bashqarmisi teripidin liwiyege sunulghan xizmetler we bu sahelerdiki ortaq hemkarliq imkaniyetliri heqqide muzakire élip bérildi.

türkiye sirtdiki türkler we qérindash türkiy milletler bashqarmisining bashliqi abdullah eren, ammiwi ortaqlishish tor bétidiki sehipiside, bu heqte türkche we erebche élan qilghan bayanatida, türkiyening liwiye mesiliside tutuwatqan pozitsiyesining intayin muhimliqini tekitlep mundaq dédi: «türkiyening liwiye mesilisige tutqan pozitsiyesi heqiqet hem heqqaniyetni qoghdashni nishan qilidu. derweqe, türkiye sirtdiki türkler we qérindash türkiy milletler bashqarmisimu bu dairide paaliyet élip bériwatidu. dost we qérindash dölet liwiyediki eng muhim milletlerning jamaet erbabliri we wekillirini bashqarmimizda kütüwalghanliqimizdin intayin pexirlinimiz. yéqin kelgüside ortaq paaliyetlirimizni yenimu yüksek sewiyege yetküzüshni nishan qiliwatimiz.»