türkiye girétsiyege naraziliq bildürdi

türkiye, girétsiyening sherqiy aqdéngizgha alaqidar eng yéngi bayanatining héchqandaq qimmitining yoqluqini bildürdi.

1526408
türkiye girétsiyege naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi hami aqsoy, girétsiye tashqi ishlar ministirliqining, türkiyening sherqiy aqdéngizdiki yer tewreshni tekshürüsh paaliyiti toghrisidiki bayanatigha dair soalgha yazma jawab berdi.

girétsiye tashqi ishlar ministirliqining, türkiyening oruch reis namliq paraxotining sherqiy aqdéngizda élip bériwatqan paaliyetlirige munasiwetlik hemmige melumluq étirazliri tekrarlanghan yene bir bayanat élan qilghanliqini eskertken aqsoy, sözini dawamlashturup, «bu bayanatlar, girétsiyening xelqara qanun we ehdinamilerge xilap derijidin tashqiri chong déngiz chégra teweliki dewalirini asas qilidighan bolup, bizge nisbeten héchqandaq ehmiyiti, qimmiti yoqtur. türkiye, sherqiy aqdéngizda xelqara qanunning körsetmilirige mas halda hem özining hem shimaliy qibris türk jumhuriytining qanunluq heqlirini qoghdashni qetiy dawamlashturidu. girétsiye rayondiki saqliniwatqan mesililerning hel qilinishini xalaydighanliqi toghrisidiki sözide semimiy bolsa, soghuqchiliqni ulghaytidighan bayanatlarni élan qilish we üchinchi tereplerni türkiyege qarshi qaymuqturush, kushkurtushlarni qoyup, aldinqi shertsiz söhbet ötküzüsh chaqiriqimizgha ijabiy jawab bérishi kérek» dégenlerni qeyt qildi.



مۇناسىۋەتلىك خەۋەرلەر