түркийә билән русийә қарабағда уруш тохтитишни назарәт қилиду

түркийә җумһур рәиси рәҗәп таййип әрдоған русийә пирезиденти владимир путин билән телефонда көрүшүп, тағлиқ қарабағ мәсилилирини музакирә қилди.

1525629
түркийә билән русийә қарабағда уруш тохтитишни назарәт қилиду

түркийә авази радийоси хәвири: җумһур рәислик учур-алақә идариси җумһур рәис рәҗәп таййип әрдоған билән русийә пирезиденти владимир путинниң телефонда көрүшкәнлики тоғрисида байанат елан қилди.

байанатқа асасланғанда, әрдоған билән путинниң телефон көрүшүшиидә, түркийә-русийә мунасивәтлири билән тағлиқ қарабағ вә сүрийәни асас қилған районниң нөвәттики вәзийити музакирә қилинған.

җумһур рәис рәҗәп таййип әрдоған тағлиқ қарабағ мәсилисидә, узун муддәтлик һәл қилиш чарисиға мунасивәтлик тоғра қәдәм ташланғанлиқини билдүрди.

түркийә билән русийә бирликтә зор һәссиләрни қошқан бу муһим пурсәт өтүп кәтмәстин адил вә узун муддәтлик тинчлиқ арқилиқ районда муқимлиқниң орнитилиши үчүн пайдилиниш керәкликини әскәрткән җумһур рәис рәҗәп таййип әрдоған, йетип келингән нуқтида, әң муһим ишниң әрменийәниң уруш тохтитишқа вә ортақ байанатта тилға елинған вәдилиригә бойсунуши икәнликини тәкитлиди.

у түркийәниң әрменийәниң ишғалидин азад қилинған земинларда әзәрбәйҗан тәрипидин бекитилидиған йәрдә қурулидиған ортақ мәркәз арқилиқ русийә билән уруш тохтитиш үчүн көзитиш вә назарәт қилиш паалийәтлиридә болидиғанлиқини, шуңа бу мәсилидә русийәгә муһим мәсулийәтниң чүшидиғанлиқини билдүрди.

у әрменийәниң ишғали сәвәблик қарабағдин чиқип кетишкә мәҗбур болған әзәрбәйҗанлиқларниң йурт-маканлириға қайтишиниң вә әзәрбәйҗан-нәһчиван арисида бир каридор ечилишиниң әһмийитини тәкитлиди.

у тағлиқ қарабағниң районлуқ тоқунуш вә киризисларни һәл қилишта, түркийә-русийә һәмкарлиқи өзиниң әһмийитини намайан қилғанлиқини билдүрүп, охшаш болған һәмкарлиқ роһиниң сүрийә киризиси үчүнму җари қилидурулуши керәкликини вә бу йәрдиму охшаш механизмни орниталайдиғанлиқлирини тәкитлиди.     



مۇناسىۋەتلىك خەۋەرلەر