ئىزمىردا يەر تەۋرەشتە جېنىدىن ئايرىلغانلار 114 كە چىقتى

تۈركىيە ئاۋازى رادىيوسى خەۋىرى: ئىچكى ئىشلار مىنىستىرلىقىغا قاراشلىق تەبىئىي ئاپەت ۋە جىددىي ئىشلارغا تاقابىل تۇرۇش ئىدارىسى ئىرمىردىكى يەر تەۋرەشتە جېنىدىن ئايرىلغانلار سانى توغرىسىدا بايانات ئېلان قىلدى. بۇنىڭغا ئاساسلانغاندا، 2020-يىلى 30-ئۆكتەبىر ئىزمىر دېڭىز تەۋەلىكىدە يۈز بەرگەن 6.6 بال يەر تەۋرەشتە جېنىدىن ئايرىلغانلار سانى 114 كە، يارىلانغانلار 898 گە چىققان. يارىلانغانلاردىن 137 كىشى داۋالىنىپ دوختۇرخانىدىن چىققان.

ئىزدەش-قۇتقۇۇش خىزمەتلىرى ئۆرۈلۈپ چۈشكەن ئىككى بىنانىڭ خارابىلىقىدا داۋاملاشماقتا.