измирдә йүз бәргән йәр тәврәштә қаза қилғанларниң сани көпәйди

измирниң сәфәриһисар наһийәсиниң деңиз тәвәликидә түнүгүн йүз бәргән 6.6 бал йәр тәврәштә қаза қилғанлар сани 39 ға, йариланғанлар сани885 кә йәтти.

1519283
измирдә йүз бәргән йәр тәврәштә қаза қилғанларниң сани көпәйди

түркийә авази радийоси хәвири: җиддий әһвалларға тақабил туруш қоманданлиқ мәркизиниң билдүрүшичә, түнүгүн әнқәрә вақти чүштин кейин саәт 2 дин 51 минут өткәндә, « әгә деңизи» да,  измирниң сәфәриһисар наһийәсиниң 17 километир йирақлиқтики деңиз тәвәликидә  6.6 бал йәр тәврәш йүз бәргән.

16.54 километир чоңқурлуқта йүз бәргән,  қаза қилғанлар сани 39 ға, йариланғанлар сани885 кә йәткән йәр тәврәш апитидә, шәһәр миқйасида көп санда биналарму еғир зийанға учриған болуп, районда харабиликләрниң астида қалғанларни издәш – қутқузуш паалийәтлири давамлашмақта икән.

сәһийә министири фаһрәттин коҗа, измирдә йүз бәргән йәр тәврәш апити һәққидә елан қилған байанатида, мундақ деди: «йәр тәврәш апитидә 39 киши қаза қилди, 25 киши җиддий қутқузуш бөлүмидә, 381 кишини давалаш ишлири давамлишиватиду. йәнә 4 оператсийә мувәппәқийәтлик болди. 504 кишини давалаш хизмити тамамланди. 112 җиддий йардәм бериш әтрәтлири, миллий давалаш, издәш – қутқузуш әтрәтлири, қутқузуш машинилири вә дохтурханилиримиз билән измирдә давамлиқ вәзипә өтәватимиз.»



مۇناسىۋەتلىك خەۋەرلەر