әрдоған: йавропа әллири демократийә уқумиға зийан йәткүзүватиду

җумһур рәис рәҗәп таййип әрдоған йавропа әллириниң бир динниң пәйғәмбиригә вә бир дөләтниң рәһбиригә тутқан начар позитсийәлири арқилиқ демократийә уқумиға зийан йәткүзүватқанлиқини ейтти.

1519305
әрдоған: йавропа әллири демократийә уқумиға зийан йәткүзүватиду

түркийә авази радийоси хәвири: җумһур рәис рәҗәп таййип әрдоған, өзиниң рәһбәрликидики адаләт вә тәрәққийат партийәсиниң, ван вилайәтлик  ататүрк шәһәр тәнтәрбийә залида өткүзүлгән 7 – нөвәтлик пәвқуладдә йиғинида, йавропада барғансери әвҗ елип кетиватқан ислам дүшмәнлики тоғрулуқ тохталғанда, мундақ деди: « әркинлик намидин, бир динниң пәйғәмбиригә вә бир дөләтниң рәһбиригә начар позитсийә тутушниң илғарлиқ икәнликини илгири сүридиғанлар демократийә уқумиға зийан салмақта. йавропаниң қиммәт өлчәмлири чиқиш нуқта қилинип атланған сәпәрниң, башқа етиқад системилири вә җәмийәтләрниң символлириға қарши әң пәскәшләрчә һақарәт қилидиған сәпәрләргә айлинип қелиши, һәмдә буниң <әркинлик> намидин  оттуриға ташлиниши һәқиқәтәнму әпсуслнарлиқ иштур.  фирансийә қатарлиқ әлләрдә барғансери әвҗ елип кетиватқан ислам дүшмәнлики, йавропани қанчилиған қетим палакәткә иттиргән илләтлик идеологийәниң техичә давамлишиватқанлиқиниң намайәндисидур.»

иғвагәрликләрни әсла етибарға аймайдиғанлиқлирини әскәрткән җумһур рәис әрдоған, мундақ дәп көрсәтти: «пәйғәмбәр әләйһиссаламға қилинған һәр бир һақарәт пүткүл мусулманларни, маңа қилинған һәр бир һақарәт түркийә җумһурийити пуқралирини һуҗум нишани қилмақта.»



مۇناسىۋەتلىك خەۋەرلەر