әрдоған : дөләт пүткүл имканлири билән измирниң йенида

җумһур рәис рәҗәп таййип әрдоғанниң дөләтниң пүткүл имканийәтлири билән измирдә йүз бәргән йәр тәврәш апитидә талапәткә учриған пуқраларниң йенида икәнликини билдүрди.

1519297
әрдоған : дөләт пүткүл имканлири билән измирниң йенида

түркийә авази радийоси хәвири: җумһур рәис рәҗәп таййип әрдоған, өзиниң рәһбәрликидики адаләт вә тәрәққийат партийәсиниң, ван вилайәтлик  ататүрк шәһәр тәнтәрбийә залида өткүзүлгән 7 – нөвәтлик пәвқуладдә йиғинида, измирдә йүз бәргән йәр тәврәш апити тоғрулуқ тохталғанда, мундақ деди: «йәр тәврәш йүз бәргәндин кейинла министирлиримиз, парламент әзалиримиз, барлиқ дөләт орунлиримиз, түркийә қизилай җәмийитимиз, җиддий әһвалларға тақабил туруш қоманданлиқ мәркизимиз, мүрини мүригә терәп күрәш қилип, измирлиқ қериндашлиримизниң дәрдигә дәрман болушқа тириштуқ. измирдики йәр тәврәш апитидә өй - маканлири өрүлүп чүшкән пуқралиримизға, худайим буйруса, әң қисқа вақит ичидә йеңилирини селип, тапшуруп беримиз.»

измирниң сәфәриһисар  наһийәси деңиз тәвәликидә түнүгүн 6.6 бал йәр тәврәш йүз бәргән. сәһийә министири фаһрәттин коҗа, йәр тәврәш апитидә һазирғичә 26 кишиниң һайатидин айрилғанлиқини билдүрүп мундақ дегәниди: «йәр тәврәш апитидә 26 киши қаза қилди, 25 киши җиддий қутқузуш бөлүмидә давалиниватду, 381 кишини давалаш ишлири давамлишиватиду. йәнә 4 оператсийә мувәппәқийәтлик болди. 504 кишини давалаш хизмити тамамланди. 112 җиддий йардәм бериш әтрәтлири, миллий давалаш, издәш – қутқузуш әтрәтлири, қутқузуш машинилири вә дохтурханилиримиз билән измирдә давамлиқ вәзипә өтәватимиз.»

издәш – қутқузуш паалийәтлири давамлишиватқан 17 бинадин 9 ида хизмәтләр тамамланди, қалған 8 бинада издәш – қутқузуш паалийәтлири давамлишиватиду.



مۇناسىۋەتلىك خەۋەرلەر