«künséri ulughwar nishanlirigha yéqinlishiwatqan türkiye jumhuriyiti 97 yashqa kirdi»

türkiye büyük millet mejlisi bashliqi mustafa shentop künséri ulughwar nishanlirigha yéqinlishiwatqan türkiye jumhuriyitining 97 yashqa qedem qoyghanliqini bildürdi.

1518003
«künséri ulughwar nishanlirigha yéqinlishiwatqan türkiye jumhuriyiti 97 yashqa kirdi»
fuat oktay.jpg
mustafa sentop.jpg

türkiye awazi radiyosi xewiri: shentop, jumhuriyet élan qilinghanliqining 97 – yilliqi munasiwiti bilen élan qilghan bayanatida, türkiye büyük millet mejlisining, tarix sehipisige shanliq bir dastan süpitide yézilghan, türkiye xelqining polattek iradisi we pidakarliqining mislisiz bir nemunisi bolghan milliy küreshning zeper bilen netijilinishidin kéyinla tarixining yönilishini belgiligen nahayiti chong bir qarargha imza qoyghanliqini eskertish bilen bir waqitta, türkiye büyük millet mejlisining 1923 – yili 29 – öktebir küni jmhuriyet élan qilinishi bilen teng milliy küreshning yüriki we qarargahi bolghan süpitige, qurghuchi bolush alahidilikinimu ilawe qilghanliqini tekitlidi.

ghazi mustapa kamal atatürk we sepdashlirining, anadoluni ishghal we istéladin azad qilish bilen birlikte, xelq bilen menggü ayrilmas munasiwet ornatqan mejlisning, bu qétim qurulghan yéngi döletning hakimiyet sheklini belgiligenlikini, milliy iradining qilche bes – munazire telep qilmaydighan üstünlüki we qudritini namayen qilip, parlaq istiqbal üchün yéngi bir daghdam yol achqanliqini qeyt qilghan shentop, bu qararning peqet bir hakimiyet sheklini élan qilishtinmu bekrek chongqur uqumlargha, yer yüzining mezlum we ézilgen milletlirige yol körsitidighan meshel hem ülgige ige bolghanliqini tekitlidi.

atatürkning bu büyük mirasining, xelqning, millet iradisi we qetiy tiz pükmes aliyjanab rohining üstide parlaq istiqbalgha qarap sabit qedemler bilen algha ilgirilewatqanliqini eskertken shentop, mundaq dep körsetti: «milletche ortaqlishiwatqan bu tentenilik we cheksiz hayajanliq künde dölitimizning qurghuchisi ghazi mustapa kamal atatürkni, istiqlal we erkinlik qehrimanlirimizni, eziz shéhitlirimizni we ghazilirimizni cheksiz iptixarliq we hörmet tuyghuchisi ichide yad étimen, jumhuriyetimiz qurulghanliqining 97 – yilliqini qizghin tebrikleymen.»

muawin jumhur reis fuat oktaymu, 29 – öktebir jumhuriyet bayrimi munasiwiti bilen ammiwi ortaqlishish tor bétidiki sehipiside élan qilghan bayanatida, mundaq dédi: «29 – öktebir jumhuriyet bayrimimiz mubarek bolsun! jmhuriyetni eziz janlirini pida qilish bedilige qurup chiqqanlardin amanet alduq, bu amanetke ene shu eqide we angni chöridigen halda sahib chiqimiz. derweqe, uda 97 yildin buyan istiqlalimizgha sadaqet bilen sahib chiqiwatimiz, jumhuriyetning 100 – yilliqigha qarap cheksiz  iptixarliq tuyghusi ichide ghelibiséri algha ilgirilewatimiz.»


خەتكۈچ: #atatürk , #jumhuriyet , #türkiye

مۇناسىۋەتلىك خەۋەرلەر