türkiye erméniyening ezerbeyjan puqralirigha qilghan «insan qélipidin chiqqan hujum» lirini eyiblidi

türkiye tashqi ishlar ministirliqi ezerbeyjanning berde shehirige qilinghan erméniye hujumini eyiblep, urush jinayiti ötküzüshni toxtitishqa chaqiriq qildi.

1517444
türkiye erméniyening ezerbeyjan puqralirigha qilghan «insan qélipidin chiqqan hujum» lirini eyiblidi

türkiye awazi radiyosi xewiri: türkiye tashqi ishlar ministirliqining bayanatida, erméniyening aldinqi küni urush toxtitish élan qilinghanliqigha qarimastin, ezerbeyjanning toqunush rayoni sirtidiki puqralar olturaq rayonilirigha qilghan hujumlirining barliq alemshumul insaniy we exlaqiy qimmet qarashlarni ayaq asti qilghanliq ikenliki tekitlendi.

erméniye qisimlirining tünügün kechte berde shehirige qilghan hujumida bir kichik balini qoshqanda, 4 puqraning hayatidin ayrilghanliqi we 13 kishining yarilanghanliqi bildürülgen bayanatta, hayatidin ayrilghanlargha allahtin  rehmet, yaridarlargha baldurraq shipaliq  télesh bilen birge barliq ezerbeyjan xelqige teziye bildürüldi.

bayanatta: «erméniyening bu insan qélipidin chiqqan hujumini qattiq eyibleymiz, wijdan igisi we mesuliyetchan döletlerni erméniyening dawamlashturiwatqan urush jinayetlirini toxtitishqa chaqirimiz» déyildi.



مۇناسىۋەتلىك خەۋەرلەر