makron liwiye siyasiti meghlup bolghandin kéyin, türkiye we erdoghanni hujum nishani qiliwaldi

adalet we tereqqiyat partiyesi bayanatchisi ömer chelik, «(firansiye prézidénti émmanuél) makronning (islam heqqidiki) sözliri daésh qatarliq (térrorluq) teshkilatlirigha idiyewi oq - dora we transport yardimi qilghanliq bolidu» dédi.

1517315
makron liwiye siyasiti meghlup bolghandin kéyin, türkiye we erdoghanni hujum nishani qiliwaldi

 

türkiye awazi radiyosi xewiri: adalet we tereqqiyat partiyesi bayanatchisi ömer chelik partiyiesining merkizi qarar we ijraiye heyiti  yighini jeryanida kün tertiptiki mesililer üstide toxtaldi.

ömer chelik makronning liwiye siyasiti meghlup bolghandin kéyin, türkiye we jumhur reis rejep tayyip erdoghanni hujum nishani qiliwalghanliqini tekitlidi.

makronning bu qétim «islamchi radikalliqqa qarshi turush» nami bilen bir térrorluq qanun teklipini ministirlar kéngishige sunidighanliqini eskertip, «<firansiye islami> dégen gepni qildi. u öz kallisiche, dinlarni we insanlarni inzhénérliq paaliyetliridin ötküzüp, oxshimighan formilalargha salghini bolidu, dep oylap qaldi. wehalenki bu barliq sözler, irqchiliq, nepret jinayiti, islam düshmenliki we yehudiy öchmenlikini küshkürtidighan pozitsiyelerdur» dédi.

ömer chelik yene, «makronning sözliri daéshqa oxshash teshkilatlarni idiyewi oq-dora we tiransport yardimi bilen teminligenlik bolidu. yawropaliq musulmanlar yawropa démokratik jemiyitining ayrilmas bir qismidur. ularsiz yawropa jemiyitini tesewwur qilghili bolmaydu. musulmanlar bu shekilde hörmet we estayidilliq bilen muamile qilinishqa heqliq» dédi.


خەتكۈچ: #ömer chelik , #makron

مۇناسىۋەتلىك خەۋەرلەر