хатайда террорлуқ һуҗуминиң алди елинди

хатайда сақчиларниң сәзгүрлүки нәтиҗисидә наһайити чоң паҗиәниң алди елинди.

1516488
хатайда террорлуқ һуҗуминиң алди елинди

түркийә авази радийоси хәвири: хатай шәһириниң әскәндәрун наһийәсидә, сақчилар контрол нуқтисида тәкшүрүш җәрйанида гуманланған икки террорчини тәқиб астиға алди.

бу әснада қечишқа урунған бир террорчи аптомобилиға орунлаштуруп қойған партлатқучни партлитип өлди. йәнә бир террорчи болса, вәқәдин кейинки кәң даирилик тәқиб қилиш – тәкшүрүш нәтиҗисидә қолға чүшти.

хатай валийси раһми доған, сүрийәдин, бөлгүнчи террорлуқ тәшкилати п к к мәнсуби 4 террорчиниң шәһәрниң аманос тағлириға кәлгәнликини, түнүгүн кәчтә һәммисиниң бир тәрәп қилинғанлиқини билдүрди.

җумһур рәис рәҗәп таййип әрдоған, бу һәқтә елан қилған байанатида мундақ деди: «хатайда терроризмға қарши һәрбий һәрикәтни мувәппәқийәтлик тамамлиғанлиқи үчүн, қәһриман дөләт хәвпсизлик күчлиримизни тәбрикләймән.»

җумһур рәис әрдоған, аммиви ортақлишиш тор бети Twitter сәһиписидә һәмбәһирлигән учурида мундақ деди: «түркийә нөвәттә бундақ һуҗумлар билән тиз пүктүргили һәм мәшғул қилғили болидиған бир дөләт әмәстур.»



مۇناسىۋەتلىك خەۋەرلەر